نشر الصحفي "عمر طاهر" صورة جديدة له، من حوار صحفي قديم مع الفنان نجاح الموجي، عبر صفحته الشخصية على موقع التواصل الاجتماعي "فيس بوك".

وعلق عمر طاهر، قائلاً: "من أوائل الحوارات الصحفية اللى عملتها في حياتي أدانى ميعاد في بيته وفضلت مستنيه ساعة لحد ما وصل سألته ليه مش معاه موبايل كنت كلمته أجلت؟ وكان الموبايل لسه جديد وقتها، قال لى مبحبوش باخاف منه ده حاجة بتجيب الكلام من الهوا، قعدنا 3 ساعات".

وأضاف طاهر، قائلاً: "في النص كان ميعاد عشاء حلف لازم ناكل لقمة بقينا أصحاب بعدها بالتليفون كان بيطلب مني ازوره وفضلنا نأجل لحد ما اتوفى، بعدها بـ 7 سنين تعرفت على صديق مخرج.. حبيته بسرعة وبقينا اصحاب طلب منى ازوره في البيت وأداني العنوان لقيت نفسي فجأة قاعد في نفس البيت اللي كنت فيه من 7 سنين وفي نفس المكان ماكنتش أعرف انه اتجوز بنت الفنان العظيم ده".

وتابع اخيرا "كنت باتكلم مع الموجى عن موهبته كفنان قال لى الناس كلها بتاكل وتشرب وتنام وتفن كله بيفن فى ملعبه حتى لو كان بيفن ف ملعب الاذية".