فيديو| على خطى الأسطورة.. محمد رمضان يستعرض عضلاته في "نسر الصعيد"
الخميس 24/مايو/2018 - 01:17 م
محمد عبد الرازق
طباعة
تعرض الفنان محمد رمضان لموجة حادة من الانتقادات بعد عرض الحلقة السادسة من مسلسل «نسر الصعيد»، خاصة المشهد الذي قام فيه بالاعتداء على الشباب المتواجدين داخل أحد الملاهي الليلية.
وظهر «رمضان» في هذا المشهد متقمصًا دور رجل المباحث «زين» وقام بخلع قميصه والاعتداء بالضرب الشديد على أصحاب الملهى الليلي.. الأمر الذي دفع نشطاء مواقع التواصل الاجتماعي، لانتقاد هذا المشهد، واصفين إياه بأنه استمرارًا على خطى مسلسل «الأسطورة».
وجائت تعليقات رواد مواقع التواصل الاجتماعي ما بين مؤيد للمشهد ومعارض لها وهي كالتالي:
«هى المسلسلات كلها بقت ضرب ودم وعنف ليه كده، فين أيام لن أعيش في جلباب أبي، وذئاب الجبل، ويوميات ونيس، ماكنش فيها مشاهد عنف ولا عري، ومع ذلك علمت مع الناس وفكراها لحد دلوقتي»
وعلَّق آخر قائلًا: «الناس اللى بتهرى فى التعليقات على محمد رمضان، عاجبك اتفرج مش عاجبك فكك من المسلسل وبلاش الشتيمة، الفن والفنانين كلهم واحد، فيه اللى بيحاول يقدم حاجه نضيفة، وفيه اللى بيقدم المحتوى اللى هيسمع مع فئه معينه، العيب فى اللى بيتابع، المفروض يكون فى وعى ونعرف نفرق بين اللى يقتدى به، وبين اللى بنسمعه على سبيل الترفية»
واتفق آخر مع ما يقدمه محمد رمضان، قائلًا: «عاش محمد رمضان، وأي حد يحاول يتهمه أن هو بيعلم البلطجة فى مصر أحب أقول له إن كل واحد ليه شخصية، واللى بيقلد هو اللى مزيف، وده نجم الله يباركله».
وسخر آخر من المشهد، قائلًا: «المخرج اللي بيخرج أفلام ومسلسلات محمد رمضان شكلو هندي، أيه ده؟ محمد رمضان كل ما يدخل مكان يضرب كل اللي فيه، والكل بياخد ضربه أو ضربتين ويغم عليه، ده متجيش من شكل أجسامهم، كل واحد عامل زاي البغل وبيوقع من ضربه واحدة، شغل هندي هندي»
شاهد الفيديو:
