الرئيس السيسي خلال المؤتمر الوطني السادس للشباب: المأزق الذي تمر به الدولة هنخرج منه
السبت 28/يوليو/2018 - 06:30 م
الرئيس عبدالفتاح السيسي
إسماعيل فارس
طباعة
أكد الرئيس عبد الفتاح السيسي، علي ضرورة تكاتف المصريين، ووضع أيديهم في أيدي بعضهم البعض للخروج من المأزق الذي تمر به الدولة، قائلا: "اوعوا تفتكروا هنخرج منه بالحكومة أو أي حد، لا بد من وضع أيدينا في أيدي بعض".
وأضاف الرئيس السيسي خلال مشاركته في جلسة استراتيجية بناء الإنسان المصري في المؤتمر الوطني السادس للشباب: "إذا كنتم عاوزين تسلموا لأولادكم وللشباب صورة حقيقية جديدة للهوية المصرية التي تتحدى عصرها، أبدا أنا لا استدعى الماضي رغم احترامي له، ولكننا نحتاج لهوية وطنية تستطيع التعامل والتفاعل مع الواقع وتطوره".
واوضح السيسي: "الإشكاليات الموجودة في الأديان كلها، مش قادرة تصدق أن اللي خلق الدين ربنا، واللي عمل التطور والإنسانية ربنا، فبيصطدم، وتقول أخلى فهمي للنصوص يتوافق مع الواقع الجديد الذي نعيشه تصدوا للأوليين نجحوا، ولما نجحوا مجتمعاتهم أصبح عندهم حصانة ومناعة ضد الضياع، أصبح المجتمع متناسقا وقويا".
وأشار: "عملنا عزل لأنفسنا، الراجل المتدين شكل، والمواطن العادي بقى شكل تاني وهو لا فرق بينهم، كل ما يكون فهمه الديني مناسب، سيكون سلوكياته وممارساته مع نفسه ومجتمعه مناسبة وجيدة.. ولازم تصدقوا إنهم عاوزين يضيعونا.. إحنا دخلنا تجربة وربنا أراد إنها لم تكتمل ما قدروش يدمرها مش عشان إحنا شاطرين أو الجيش تدخل أو السيسي وقف، ولكن إن ربنا قال لأ".
وتابع الرئيس: "فيه مكر يقدر يزيل الجبال، أوعوا تتصورا أن البشر بسيط، العقول البشرية وتطورها وفنون المكر والكيد بقت شديدة الغموض والتخفي، ولما اجي أقولكم كده تطلعوا 21 ألف إشاعة انتوا بتعملوا ايه.. بتداولكم للموضوع جزء من الإساءة لقدراتكم ولهزيمة أنفسكم".
وشدد السيسي: "اللي اتعمل واللي هيتعمل رضيتوا بيه أو ما رضيتوش بيه هقابل بيه ربنا وأرجو أن يقبله منا.. إحنا كحكومة بنحط سياسات وإستراتيجيات نجري على تنفيذها، وأن المتجه العلمي والتخطيط العلمي والمسار العلمي لابد أن يستمر وينفذ، وعملية الإصلاح لا تنتهي في سنة أو اثنين وخمسة ولكنها مستمرة لأنها تتعلق بالإنسان".
