مؤتمر الشباب السادس.. "إحنا جايين عشان نسمعكم".. السيسي يُزيل الحواجز بينه وبين أبنائه
الأحد 29/يوليو/2018 - 07:42 م
الرئيس عبد الفتاح السيسي
شروق ايمن
طباعة
"شعب ورئيس".. هاتين الكلمتين اللاتي طالما كررها الرئيس عبد الفتاح السيسي، في كافة المناسبات والفعاليات، وخاصة مؤتمرات الشباب التي تستهدف تقوية الأواصر بين الرئيس وأبنائه، من خلال عدم وضع حواجز في النقاش بينهم.
وتعالت ضحكات الرئيس في عدة مواقف تُظهر خفة ظله وحرصه على تقوية العلاقة بينه وبين الشباب، في لفتة من سيادته تظهر مدى تقارب العلاقات بين شعب مصر ورئيسهم.
"السيسي يمازح وزير المالية"
علق الرئيس السيسي، مازحًا على كلمة الدكتور محمد معيط وزير المالية، خلال جلسة منظومة التأمين الصحي الشامل، لطريقة حديثه الحماسية.
"أنا آسف يا وكيل"
كما سأل الرئيس عبد الفتاح السيسى، وكيل الهيئة الرقابية، أيمن عبد الباسط، "سيادة الوكيل أكرم إنت عميد ولا وكيل"، ورد قائلًا "أنا عميد يافندم" ليعتذر له الرئيس: "خلاص متزعلش أنا آسف يا وكيل".
"المشوار طويل"
قال الرئيس، بعدما اعتذر للعميد أيمن عبد الباسط، " إنت بتقول إن المطلوب مازال كتير، فإذا كنت إنت بتقول إن بورسعيد هتخلص 2019، طيب باقى البلاد هتخلص إمتى ، وإحنا لسه قدامنا مشوار طويل".
"كل الدعم ليكم"
وعقب الرئيس السيسي، على حديث اللواء محمد عرفان رئيس هيئة الرقابة الإدارية، بأن التحويل الرقمي من الممكن أن يستغرق 6 سنوات لتطبيقه في مصر قائلًا "كتير.. أنا مقدرش اكتر من 4 سنين للدولة المصرية، وكل الدعم ليكم.. 4 سنين كتير"، واستكمل ضاحكًا "طب سنتين".
"اليوم الأول.. خلي الناس تتكلم يا رامي"
قاطع الرئيس عبدالفتاح السيسى، الإعلامي رامي رضوان خلال مؤتمر الشباب السادس، في يومه الأول أمس السبت، قائلاً: خلى الناس تتكلم يا رامى".
"إحنا جايين عشان نسمعكم"
سمح الرئيس السيسي، لعضو الرقابة الإدارية، أمير طاهر، باستكمال كلمته ضمن جلسة المشروع القومي للبنية المعلوماتية للدولة المصرية قائلًا: "هنمنح الدكتور أمير الفرصة، إحنا جايين علشان نسمعكم".
"أنا مستعد أمول بنفسي"
قال الرئيس، خلال حديثه مع العميد أيمن عبد الباسط:" أنا قلتلك لو الحكاية متوقفة على التمويل بس، أنا مستعد أمول بنفسي، لأن كل بيان شفاف قوى نقدر نوجهه لصالح الشعب وننتج منه شيء كويس جداً، وإذا كان الموضوع خطة العمل اللازمة فخطة العمل جاهزة وخلصت".
"كيكي وميكي"
قال السيسي، "أكل إيه وفي ناس بتبصلنا على إن إحنا بنبي بلدنا، اتفقنا على العهد انكوا هتكملوا معايا لحد ما بفضل الله تنفذوا العهد"، وتابع مازحًا " قاعدين انتوا تركبوا العربيات وكيكي وميكي، يا مهندس طارق، زود البنزين متقلقش".
"قوة شعب"
أكد الرئيس: "الكلام اللي اتقال عن الشائعات، لو سقطت مصر تسقط المنطقة، ودة كلام كل المنطقة ومدركين لده، أنتوا ممكن تكونوا متصورين الامور مش ممكن توصل لكدة، لا ممكن توصل لو مخدناش بالنا، الموضوع مش قوة جيش ولا قوة شرطة، هي قوة شعب".
"مش قولتوا متخافش ياريس خش"
قال الرئيس السيسي، إنه صارح الشعب منذ البداية بوجود العديد من التحديات لن يستطيع حلها بمفرده، مضيفًا "رديتوا وقولتوا هتحلوها معايا، وقولتلكوا هتتعبوا معايا، قولتوا متخافش ياريس خش، إحنا مخدعناش بعض".
وتسأل "هل إحنا مسارنا مسار تصاعدي في تطور الدولة المصرية ولا العكس".
"كلنا فداك ياريس"
تابع الرئيس السيسي قائلًا "في 3/7 وبعدها بشهر ونص، اللي حصل في النهضة ورابعة، كان البلد كلها بيتم إشعالها، ومحاولة اغتيال وزير الداخلية والاعتداءات ومحاولة اغتيال وزير الداخلية، كل دة انتهى بينا لأن أبناء الجيش والشرطة ضحوا بحياتهم لكي يتحقق الأمن والاستقرار".
وأضاف الرئيس "أكبر تضحية ممكن يقدمها إنسان هو إنه يقدم إبنه أو أم تقدم إبنها، تفتكروا لما يروا إن التضحية اللي قدموها وإحنا متضايقين من الأسعار يقولوا إيه، الضحايا كتير والشهداء كتير، والشعب قدم كتير ليحصل على الأمن والاستقرار"، وتعالت أصوات أحد الحضور "كلنا فداك ياريس"، ورد الرئيس "مش فدايا أنا، أفدوها هي".
"تحيا مصر بيكم"
وقال الرئيس السيسي، إنه كان من الممكن أن يتم التركيز على الحرب ضد الإرهاب فقط، وسيكون مبرر للواقع الذي نعيشه، معلقًا "لكن إحنا معملناش كدة، قولنا هنشتغل على محور مواجهة الإرهاب، وباقي محاور الدولة.. وتحيا مصر بيكم كلكم".
الكلمات المفتاحية
أخبار تهمك
