رد محمد صلاح، لاعب منتخب مصر ونادي ليفربول الإنجليزي، في الجزء الثالث من حديثه عبر صفحته الشخصية على موقع التواصل الاجتماعي"فيس بوك"، على هجوم اتحاد الكرة على المحامي الخاص به الكولومبي رامي عباس.

وقال صلاح خلال الجزء الثالث موجهاً حديثه للإتحاد : " حاجه أخيره بس ، هيا الفكره كلها انت بتدخل المحامي بتاعي طرف ثالث طرف ثالث طرف ثالث ، هو انت عندك مشكلة أن مفيش حاجه اسمها يبقي في إتصال بينك وبين اللاعيبه بطريقه مباشره ، انا مش بقول ان انا كدا ، العالم كله ماشي كدا ، هو الطبيعي جدا ان اي لاعب بيكون الممثل بتاعه المحامي او الوكيل بتاعه" .

وأكمل : " انا مش عارف ليه انت مش قابل الموضوع دا ، ودايماً في الخطابات بتاعتك بتقول طرف تالت طرف تالت ، لا هو طرف تاني ، هو الممثل بتاع اللاعب ، المحامي بتاعي هو طرف تاني ف الموضوع لانه المسؤل عن تعاملاتي ، ف مش كل مشكلة تحصل بينا يتقال انه سبب المشكله وطرف تالت " .

وأنهي : " المحامي بتاع صلاح لازم يتعامل معامله صلاح بغض النظر عن جنسيته لانه المحامي بتاعي ، كولومبي بقي مش كولومبي ، الموضوع ملهوش علاقه بالجنسيه خالص ، انت لازم كل مشكله تحصل يتقال عليها ان السبب الوكيل لانه مش مصري !! الموضوع مش كده خالص ، مفتكرش ان دا حل للموضوع ، ان مش بتحل الموضوع ولا بتحاول تخلصه اصلا ، انت بول بتتعامل بإحترافيه هيبقي في خطابات رسميه بينك وبين المحامي بتاعي مش تسريب الخطابات اللي بيحصل عشان تشوف رد فعل الناس ، ومفتكرش ان دا بيحل المشكله خالص ، اسف جدا لو كنت طولت عليكم بس دا كلام كان لازم اقوله .