وجهت الفنانة منة فضالي، رسالة إلى جمهورها عن خسارة الأشياء في الحياة عبر حسابها الشخصي بموقع تبادل الصور والفيديوهات الشهير"إنستجرام".


وقالت " فضالي " : متزعلش لما تخسر في حياتك أو يضيع منك حاجة غالية عليك، صدقني إن ده مش صدفه أو سوء حظ، ده ترتيب من عند اللّه ليك، ربنا مش هيأذيك ربنا هيخليك أفضل وأقوي من ما أنت عليه دلوقتي، أقرأ الرسايل إللي بيبعتهالك ركز هتستوعب قد إيه هو بيكلمك وبيبعد عنك إللي بيأذيك، بس إنت مصمم تأذي نفسك سواء في علاقه أو شخص أو موقف، ربنا بيدي فرصه وإتنين وألف وبيخلي دايمًا في إختيار تاني.


وأضافت: يمكن دي أسوء فترة بتعدي عليك في حياتك كلها، جواك تعب ملوش وصف، بترهق وتعاني من أقل شئ، حياتك كلها إنك بتشتكي، التفكير مخليك معدي سنك بسنين، جرب تفتح صفحه جديدة مع ربنا، صلي وإدعي وأقرأ رسايله ليك، هتشوف الفرق لما تلاقي نفسك مع أول إختيار بتختار إللي قلبك النقي بيدلك عليه، بتختار إختيار كان ربنا حاطه قدامك في كل موقف وأنت متعمد تختار العكس، ربنا مش بينسي ولا بيظلم، جرب إنك تصالح نفسك علي إللي خالقها وكل حاجة في حياتك هتتصلح".

واختتمت: ردني إليك ردًا ما بعده بُعد ولّا معصية وإجعل إختياري إختيار الصواب".