وجه الملحن مصطفي جاد، رسالة إلى جمهوره حول حبه الشديد لـ أصدقائه وذلك من خلال نشر صورة له عبر حسابه الشخصي بموقع تبادل الصور والفيديوهات "إنستجرام ".

وعلق على الصورة قائلا:  كلمتين من القلب، اللي يعرفني كويس يفهم قوي معنى حبي لأصدقائي وقيمتهم عندي في حياتي وإني يستحيل أقرب من حد مبحبوش مهما كان ولو ليا عنده أكبر مصلحة وأقصى إستفادة.. الحب والإحترام هو الأساس في كل علاقاتي الإنسانية.


وأضاف: ومن نعم ربنا عليا إنه رزقني بأصدقاء جدعان قوي موجودين معايا في الوحش قبل الحلو واللي بيربطنا حب ومودة من غير حسابات ومن غير مصلحة في زمن علاقاتك بتقيمها على أساس إستفدت إيه أو هتستفيد إيه".

وتابع جاد: نصيحتي ليكوا بجد إختاروا صحابكوا لأنهم بمثابة عيلة تانية وسند في وقتنا الصعب قوي ده وخصوصًا لو أهلك بعيد عنك بحكم المسافات وظروف الشغل".

يذكر أن أخر أعمال الملحن مصطفي جاد هي أغنية " متلخبطة" للمطربة ماريتا الحلاني، وهي من كلمات أحمد سرور، وتوزيع ماز.