دروجبا يوضح سبب خسارة الأهلي البطولة الإفريقية
قام أحمد حسن دروجبا لاعب النادي الأهلي ومنتخب مصر السابق بتوضيح بعض الأمور التى كانتاً سبباً رئيسياً فى خسارة المارد الأحمر نهائي دوري أبطال أفريقيا امام الترجي التونسي بثلاثة أهداف دون رد فى المباراة التى أقيمت بينهما على ستاد رادس بتونس أمس.
ونشر اللاعب على مواقع التواصل الاجتماعي الفيس بوك قائلاً: "السنين اللي فاتت قبل ٢٠١٠ كان الأهلي بيتعاقد مع أفضل لاعبين في الأندية علشان كدة كان الأهلي فريق قوي وبياخد بطولات كتير لكن دلوقتي أي لاعب بيلعب ماتش أو ماتشين كويس الأهلي بيتعاقد معاه ودة سبب ضعف النادي الأهلي في السنين الماضية حتي الأن".
وأضاف: "مجلس الإدارة في النادي الأهلي متكبر في التعاقد مع لاعبين سوبر لـنهم عايشين علي كلمة إن إي لاعب يتمني يلعب للنادي الاهلي".
وأكمل: "لازم يعرفو إن دلوقتي الأهلي مش أهلي زمان وإن اللاعب دلوقتي بيدور علي اللي بيدفع أكتر، وإن في أندية بتعمل صفقات سوبر وإن هيبة النادي الأهلي بتضيع بسبب ضعف الصفقات الموجودة في النادي الأهلي من خمس سنوات".
وواصل: "ولازم يعرفو إن جيل أبو تريكة وبركات انتهي وخلص لازم يدورو علي صفقات تليق بالنادى الأهلي من كام سنه أكثر ميزة كانت موجودة هي إن كان في اكتر من لاعب تحس انو كابتن فريق وقائد في الملعب زي أبو تريكة وبركات ومتعب وشادي وحسام غالي و كتير غيرهم لكن دلوقتي مفيش".
وأردف: "ودي مشكلة كبيرة طبعاُ النادي الاهلي محتاج صفقات من نوعيه فلاڤيو وجلبرتو وخاصة في وسط الملعب لأن الأهلي بالشكل دة ميطمنش، ومجلس الإدارة لازم يتواضع شويه ويجري علي الصفقات لانها مش هتيجي لحد عندك لوحدها زي زمان كان ـي لاعب بيرفض ـي عروض وينتظر عرض من الأهلي".
وأنهى: "النادي الأهلي كان بيتميز عن كل الأندية بالروح والقتالية في الملعب".
