استوقف الرئيس عبد الفتاح السيسي وزيرة الصحة الدكتورة هالة زايد، خلال تعليقها بالشرح على حملة 100 مليون صحة، قائلاً: "لم نيجي نتكلم مع الناس فى ارقام بنحاول نشرح بشكل أكثر تبسيطا عشان نوصل الرسالة".

وأضاف الرئيس السيسي: "انا عايز اقف قدام اللوحة دي .. اللي تم المسح عليهم 17 مليون، بنتكلم عن 10 مليون من أكثر من 17 مليون عندهم مشكلة .. فيه 700 ألف مصابين بفيروس سي احنا محطنهمش فى اللوحة .. معنى كده ان فيه عندنا تقريبا اكتر من 11 مليون إنسان مصري لقيناهم عندهم مشكلة".

وتابع الرئيس: "احنا بنعمل فى نفسنا كده ليه احنا بنتكلم عن 17 مليون إنسان فيه اكتر من 11 مليون بعافية عندهم مشاكل ..والرسالة لما قلت للدكتورة هالة اعملى حسابك انك هتطلعي قدام الناس وانا جبت الدكتورة النهاردة عشان كدة .. عشان نحلل ما نحن فيه ونوصل الرسالة ليكم .. وفيه معيار ممكن من غير متخضع للمسح تطمن بيه على نفسك شوف وزنك زيادة عن ايه هتعرف على طول انك رايح على مشاكل .. كلام لازم نعلمه للناس فى المدارس والجامعة والمساجد والكنايس لاننا بنفقد صحتنا مش ومش بقول كده عشان التكلفة المالية لا كل حاجة ممكن تتدبر الا الصحة".