تناول الإعلامي وائل الإبراشي خلال تقديم برنامج "كل يوم"، المذاع عبر قناة " ON E"، واقعة قيام سائق توك توك فى البحيرة برد مبلغ ربع مليون جنيه لراكب.

وقال وائل الإبراشي تعليقًا على هذا الموقف: " كنا ديما نقول هي الشهامة ليه اختفت من الشارع.. لما تلاقي الاسرة اللي 250 ألف كانت موجودة في التوكتوك ولم تضيع خلاص ممكن الناس تفقد الامل ولكن احد اصحاب التكاتك هو مش نفس "التوك توك" اللي اختفت فيه الفلوس لما شاف ده وشاف استغاثة اصحاب الفلوس قعد يبحث لانه شاف "التوك توك" اللي كانوا راكبينه وتوصل للفلوس ونادي فالمسجد وتوصل للعائلة.. هو أحمد عبد المجيد العربي سائق التوك توك الشهم اللي انا قولت أن الشهامة سمة الشارع المصري والضمير والنبل والإخلاص حتى لو اختفت وهي قد اختفت بالفعل كثيرا لكن تعالوا نعيد قيم الشهامة والامانة من جديد".

وعلق أحمد عبد المجيد العربي سائق التوك توك، فى مداخلة هاتفية بالبرنامج: "عندي 28 سنة.. انا كنت سايق "التوك توك" وشغال عادي لاقيت ست وعيالها بيسغيثوا ويعيطوا على الفلوس اللي ضاعت في "التوك توك" فصعب عليا الموقف وحطيت نفسي وعيالي مكانهم.. لمحت انا "التوك توك" ولفيت ساعتين دورت عليه ولقيت الفلوس فى "التوك توك" جمب السواق والشنطة جمبه وخطفتها منه غير ميعرف وجري ورايا.. رحت على الجامع كان صاحب الفلوس سايب رقم تليفونه رنيت عليه وجالي وكانوا في سعادة ما بعدها سعادة.. الحمد لله اني وصلت الأمانة لصاحبها".