وجه الإعلامي أحمد موسى، خلال تقديم برنامجه "على مسئوليتي"، المذاع عبر قناة "صدي البلد"، رسالة إلى أهالي نزلة السمان، قائلًا لهم لا تجعلوا قنوات الإرهاب تستغلكم، وتستغل ضد الدولة، متابعاً: "انتوا ناس وطنيين ومحدش يقدر يشكك في وطنيتكم".

وأضاف أحمد موسى: "محدش يقدر يشكك فيكو انتو مع ان الدولة تطبق القانون اكيد مش ضد ده .. وان اي حد يبني بيت مخالف يتم ازالته .. والبيت اللي فيها عقود وورق محدش هيقرب لها".

واردف: "خلوا بالكوا بقالكوا يومين تلاتة قنوات الارهاب شغالة عليكوا انتو بس .. فيه دولة قانون و انتو ولاد البلد دي واكتر ناس بنتكلم عنكم وعن قطاع السياحة .. واكتر ناس تضررت من 2011 انتوا .. يعني انتوا نفسكوا كنتو بتكلمونى عشان مضايقين مش لاقيين سياحة"، متسائلاً: "هل حد فيكوا مع عدم تطبيق القانون؟ .. هل حد فيكم ممكن يسيب بيت مخالف؟ .. هل حد ممكن يساعد حد ارتكب جريمة انشاء واقامة بيت او مقهى مخالف للقانون؟".