قصت الفنانة التونسية سناء يوسف، خلال تواجدها ببرنامج "كلام ستات"، الذي تقدمه الفنانات نهال عنبر، وهيدي كرم، وندي رحمي، والإعلامية شريهان أبو الحسن، على قناة "ONE"، كواليس لقائها لاول مرة مع الزعيم عادل إمام خلال كاستينغ مسلسل "فرقة ناجي عطا الله".

وقالت سناء يوسف: وانا رايحة اقابل عادل إمام ورامي إمام رجلي كانت بتخبط فبعض.. كنت خايفة جدا مخضوضة.. معقولة انا فحلم ولا علم رايحة اقابل الزعيم.. طيب هتقبل فى الكاستينج ولا لأ طيب ايه".

وتابعت: "فتحت الباب ودخلت واول ما شافني قالي مساء الخير بون سوار.. فدي فكتني وريحتني شوية وسلمت وقعدت واخد السفيه وقعد يقرا فيه قالي ايه ده؟ قلت له نعم يا فندم.. قالي ايه السفي ده انتي لسه صغيرة على الحجات دي كلها.. عملتيها أمتي؟.. قلت له الحمد لله وربنا يسهل ويبقي لي نصيب في مصر".

وأردفت سناء يوسف: "قالي انا عجبني وشك وملامحك وحافظي على وشك ما تتخنيش.. الكاميرا ما بتحبش التخن السينما بتحب الوش المنحوت.. كنت مبسوطة ومش مصدقة نفسي.. وانا مروحة نفسي مروحش من كتر الفرحة".