فيديو| إسكندرية بقى لونها أحمر .. تقاليع جديدة في عيد الحب 2019.. وأسعار الدباديب مفاجأة
الأحد 10/فبراير/2019 - 10:45 ص
تقاليع جديدة في عيد الحب 2019
مريم حسن
طباعة
"إسكندرية بقى لونها أحمر".. تحول اللون الأزرق الذى التصق بعروس البحر المتوسط، وظل يعبر عنها سنوات طويلة، إلى اللون الأحمر تزامنا مع عيد الحب، إذ بدأت احتفالات عيد الحب تجوب شوارع الإسكندرية، وأقبل العشاق على شراء وتبادل الهدايا بينهم، والتى تتمثل فى الورود والدباديب ذات اللون الأحمر.
جابت عدسة "بوابة المواطن" الإخبارية، أسواق بيع هدايا عيد الحب بالإسكندرية، للتعرف على أسعارها، وأحدث "تقاليع" هدايا عيد الحب، حيث تزينت محلات الهدايا باللون الأحمر استعدادا لاستقبال عيد الحب، ولجذب العشاق والأزواج لشراء الهدايا؛ للتعبير عن حبهم لشريك الحياة.
قالت أم رحمة، صاحبة أحد المحلات التجارية لبيع الهدايا، إنها تبدأ فى الاستعداد لاستقبال عيد الحب مع بداية شهر فبراير، مؤكدة أن الأسعار ارتفعت عن العام الماضي بسبب ارتفاع الضرائب على البضائع المستوردة، وأضافت قائلة "احنا بنرفع الأسعار عشان بنجيب البضاعة أصلا غالية وفى الأخر الزيون الغلبان هو اللى بيتحمل زيادة الأسعار".
وقال سامى فاضل، صاحب محل بيع هدايا، إنهم يقومون بالتجهيز لعيد الحب كل عام من منتصف شهر يناير، أى قبل أن يستعدوا جميع أصحاب المحلات التجارية الأخرى، موضحا أن أسعار هدايا عيد الحب لم تشهد زيادة كبيرة هذا العام، "المستورد هو اللى بيحدد تكلفة البضاعة وبيغيرها كل يوم على مزاجه، لكن البضاعة أسعارها معقولة ومزادتش كتير عن السنة اللى فاتت".
وأكد "فاضل" أن عام 2019 يتميز بتنوع أنواع هدايا عيد الحب ، بالإضافة إلى تنوع ألوانها وأشكالها، مضيفا "الأشكال دلوقتى اتطورت ومباشر عيد الحب مرتبط بالدباديب بس، بقى دلوقتى فى بلورات وعروسة وعريس والفنار الأحمر والشنط وفازة حمرا"، مشيرا إن الإقبال ضعيف على الدباديب هذا العام "كل بيت خلاص بقى مليان دباديب، والناس بتشترى الأشكال الجديدة زى البلورات لانها بتدى شكل أحلى للبيت".
وأشار "فاضل" أن عيد الحب ما هو إلى حجة لتنشيط عملية البيع والشراء، والقضاء على ركاد السوق، قائلا: "لما يكون السوق راكد بيخترعوا مناسبات جديدة زى عيد حب وعيد الطفل عشان يحركوا بيها السوق، لحد ما بقت السنة عبارة عن 365 يوم عيد، والناس دلوقتى بقت بنستنى أى حاجة تفك بيها عن نفسها".
وقال إسلام محمد إن أسعار هدايا عيد الحب شهدت ارتفاعا كبيرًا هذا العام، نظرا لأنه يتم استيرادها وارتباطها بسعر الدولار وزيادة التعريفة الجمركية ترتب عليها ارتفاع فى أسعار الهدايا، حيث يبدأ سعر الدبدوب من 100 جنيه ويصل إلى 1500 جنيه بحسب الحجم والخامة المصنعة للمنتج.
سعر الدبدوب من 100 إلى 1200 جنيه
وقال حسن شوقى، بائع فى محل هدايا، إن أسعار هدايا عيد الحب زادت 50% عن العام الماضي، حيث يبدأ سعر الدبدوب من 100 جنيه ويصل إلى 1200، بينما سعر بوكس الهدايا من 10 جنيهات إلى 250 جنيه، مضيفا "كل زبون بيجيب الدبدوب اللى على قد جيبه وفلوسه، في اللى بيجيب دبدوب صغير يدوب يفرح بيه حبيبته، وفى اللى بيخاف من حبيبته فبيضطر يجيب هدية غالية عشان متفضحوش".
وأكد "شوقى" أن أشكال وألوان الهدايا فى تطور مستمر عام بعد عام، قائلا " كل فترة أشكال الدباديب وأنواعها بتتغير، دلوقتى بقى في دبدوب أحمر واصفر وبينك بس الإقبال بيكون على الأحمر اكتر، وفى هدايا جديدة زى العروسة وكيتى وميكى وبلورات بتغنى".
الكلمات المفتاحية
