قالت الفنانة منة شلبي عن أسئلة الزواج والنصيب: "والله ما أعرف بتسأل السؤال دة أكتر ما بتسأل انتي كويسة، عاملة إيه، تمام، هتتجوزي امتى مش عارفة بينسوا إن في نصيب، مش معاندة ولا واخدة موقف بس أنا شايفة إن ربنا كاتبلي دلوقتي إن الشغل يبقى كويس ومش الجوازة كويسة، إن شاء الله ربنا يكتبلي الجوازة الجيدة".

وأضافت منة شلبي : "هنفرح بيكى امتى هو انا مزعلاكوا فى حاجة دلوقتي مش فرحانين بيا مثلا حاجات غريبة جدا بيتهيألي إن نص بنات مصر بيحصلها كدة ودي حاجة مهدياني شوية، كل حد مش متجوز متخرج أو بيشتغل أو محقق حاجة مفيش في حياته زوج لازم يتسأل السؤال دة، مش هنفرح بيك بقى، مش هتخلفي، وأكتر جمل بتزعجني مش هتلحقي تخلفي بقى بحس إني داخلة على سن اليأس، في الإنسانية في مسميات قاسية مفيش امرأة أو رجل يتقال عليه  في سن اليأس".

واستكملت ": حاجة سخيفة أي بنت شاطرة أو لا ست بيت بتشتغل ممثلة، طيارة، دكتورة هي في الاخر بنت نفسها تحب وتتحب وتعيش في بيت مع رجل تحبه وتخاف منه ده موجود في مخ أي بنت أي حتة في العالم وعن سؤال إسعاد يونس لها عن معرفتها لبيت العدل لترد لا وتعرفها انه البنت بتتعدل فيه أحوالها، وتقول منة ولو جوزي وحش كدة هتتعدل للأحلى، والمثل اللي يليق عليه قعدة الخزانة ولا جوازة الندامة أنا بحبه جدا المثل دة".

اقرأ أيضا: صور| منة شلبي ضيفة صاحبة السعادة.. الثلاثاء