كشفت الفنانة ساندي عن أسباب فشل علاقاتها الزوجية، في برنامج قطعوا الرجالة الذي تقدمه الإعلامية راغدة شلهوب على فضائية النهار.

ساندي في برنامج قطعوا الرجالة
قالت ساندي في قطعوا الرجالة «اتعرفت على أول زوج في حياتي بسرعة جدًا، كان عندي شركة دعاية وإعلان، واتجوزنا في 12 يوم تقريبًا مامتي مكنتش موافقة جدًا بس جت الفرح قهرًا يعني ومع الوقت اكتشفت حاجات كتيرة مكنتش مبسوطة بيها بس استمر الزواج 6 سنوات لأن مكنتش عايزة أفشل، و3 سنين بخلعه».

وأضافت: «هو كان عامل مساعد أن يطلق عليا لقب نجمة الإغراء، كنت صغيرة أوي متجوزة عندي 20 سنة يمكن دة السبب وأنا كمان كنت مبسوطة بنفسي وشايفة برة البنات متحررة وأنا مطربة مش متربية في بيئة منغلقة شوية كان في بالي إن أنا شكلي كدة عالمي وهو كمان كان بيدعم لأنه مكنش عايش في مصر أصلًا كان عايش في كندا ومعاه الجنسية الكندية ومعندوش الحتة بتاعت العرب هو كان عامل أة بس أنا كمان مقولتش لا».