كشف الفنان أمير صلاح عن تفاصيل فشل فيلم سمكة وصنارة في برنامج حفلة 11 الذي تقدمه الإعلامية سمر يسري على فضائية on e.

أمير صلاح في حفلة 11
وقال أمير صلاح في حفلة 11، أنا مش راضي عن تجربتي في فيلم سمكة وصنارة بسبب ظروف إنتاجية، بحب كريم قاسم جدًا وأنا اللي رشحته للشخصية ورحمة حسن، المنتج مكنتش أعرفه أوي إلا قبلها بفترة كلمني قالي في فيلم بطولة وعايزك معايا، قولتله انا لسه عامل نوارة المفروض أختار ومحدش كلمني بعد نوارة على أي عمل فني قولتله هاتلي الفيلم لو قريته وعجبني هعمله قالي بس الفلوس قولتله مش مهم أنا عايز أعمل سينما قريت الفيلم وقولتله مين هيبقى معايا اقترحت عليه كريم قاسم والبنت رحمة حسن وعدلنا في السيناريو وإحنا بنصور دخلنا في قوائم الإنتاج ضعيف جدًا مش مشكلة تغاضينا.

أمير صلاح في حفلة 11
وأضاف «كنا بنصور في اليوم 20 ساعة وعملنا الفيلم في 9 أيام والأستاذ طارق عبد المعطي المخرج اتبهدل جامد معانا وفي الآخر الفيلم اتعرض يومين وخدت مراتي وعيالي روحنا لقينا الفيلم مش موجود اصلًا والسينما عليها الأفيش بس جوة العرض فيل تاني واتضح إن كان في صراعات آخرى مكنتش أعرفها الإنتاج والتوزيع وأنا في علاقاتي الشخصية اسوأ والفيلم حقق في يومين 250 ألف جنيه وممكن الموزع شاف إني مش ممثل شباب شال الفيلم هو حر انا عملت اللي عليا ومتكلمتش بعدها كلمت الإنتاج الراجل مات بعدها بأسبوع، عملت مسرحية حلوة أوي»

اقرأ أيضا: فيديو| أمير صلاح في حفلة 11:« اتشتمت بسبب يسرا»