وقالت سمية الخشاب في هي وبس، الراجل بالنسبالي أبويا الله يرحمه كان مثلي الأعلى ورباني الحمد لله كويس جدًا بس دايمًا كان يقولي إوعي تسيبي حقك لو سيبتي حقك ربنا هيحاسب، علمني إني أكون قوية يكون عندي شخصية مبقاش محتاجة لحد أفكر بعقلي مبقاش متسرعة حاجات كتير قوي علمهالي.

اقرأ أيضا: صور| سمية الخشاب على فيس بوك تطل على الجمهور بـ«لوك جديد»

وأضافت: ماما طبعًا كمان مثلي الأعلى ربنا يخليهالي ويديها الصحة والعافية هي ست قوية علشان كدة أنا طالعالها دايمًا بقول لكل أم قوي بنتك علميها انها تكون قوية علميها متقبلش الإهانة ومتقبلش حاجة ربنا ميرضهاش الرسول عليه الصلاة والسلام كرم المرأة رفقًا بالقوارير وصى عليها وربنا سبحانه وتعالى كرم المرأة انت جاي راجل بعض الرجال لأن في ناس محترمة كتير.

سمية الخشاب في هي وبس

وأوضحت: في ناس بيعرفوا يصونوا بنات الناس يعني اللي ميرضاهوش على أخته ميرضاهوش على بنات الناس في ناس كتير محترمة وفي ناس بتحط الستات في عيونهم وفي ناس أمهم علمتهم يخافوا على بنات الناس هي دي الرجولة بقى مش إن واحد فرحان بنفسه وعنده مركب نقص أو مريض نفسيًا معقد مسكين عايز يتعالج ويطلع أمراضه على مراته أو صاحبته أو حبيته.

اقرأ أيضا: فيديو| سمية الخشاب تطرح كليب "بتستقوى" لتسليط الضوء على العنف ضد المرأة