ظهر الفنان ماجد المصري في قهوة  أشرف ، مساء أمس الثلاثاء ، مع الفنان أشرف عبد الباقي عبر فضائية الحياة  ، وتحدث عن بداية دخوله الوسط الفني ومواقف شخصية في حياته.

ماجد المصري في قهوة أشرف
قال الفنان ماجد المصري في قهوة أشرف عن بداية دخوله الفن: " اشتغلت في الأول خالص أول ما ابتديت حياتي الفنية كان عندنا في طنطا مكان اسمه منتزه وكانت ملاهي كوتة بتاعت اسكندرية تيجي في الفترة دي بتلف البلاد زي طنطا والمنصورة وكذا مكان وكان بيجي كشك شرايط كاسيت وكان صديقي محمود الصاوي وهو عايش حاليًا في هولندا كان بيعلمني اسمع الغربي، وكنت غاوي جدًا عم أحمد عدوية سمعني الغربي بدأت أرقص حبيت الموضوع وبقى ليا شعبية واتصاحبت على مصطفى اللي كان بيشتغل في الكشك وقالي تعالى المعمورة في الصيف روحتله واشتغلت معاه".

وأضاف ماجد المصري في قهوة أشرف: " كان في فرقة في طنطا اسمها الديب روتس قالو الواد دة مشهور قوي دة لو يعرف يغني يبقى حلو قوي وجابوني عملولي اختبار كانو بيدوني 6 جنيه في الفرح وبالليل لما كان المعدات ترجع مكانها علشان أنا الصغير كنت بروح ومسئول عن المعدات علشان اقفلها عليها والمفتاح معايا اتعلمت المسئولية".

وأشار ماجد المصري في قهوة أشرف: " بداية دخولي التمثيل كان الحاج حسن إش إش والد طليقتي الأولى كان وقتها بيعمل ألحان فيلم حكمت فهمي للنجمة نادية الجندي قالها انا عندي جوز بنتي شاطر قوي وبالفعل شافوني واتعرفت على محمد مختار وقالي انا الأدوار اللي عندي كلها خلصت بس عندي دور ابن تشرشل تلات اربع مشاهد قولتله مع مين قالي مع حسين فهمي ونادية الجندي قولتله موافق".

اقرأ أيضا: فيديو| ماجد المصري على قهوة أشرف: «اتعلمت اعمل أكل في أمريكا»