شقيق محمد علي: لهذا السبب ظهرت في الفيديو

أوضح شقيق محمد علي أن سبب ظهوره في الفيديو الذي يكشف فيه مشاكل شخصية هو انخداع الكثيرين في شخصية المقاول الهارب والذين وصفوه بأنه مناضل قائلاً « أنا استغربت إن محمد يتوصف بالمناضل، نضال ايه ده يا محمد».

وتابع شقيق محمد علي في الفيديو الذي نشرته صفحة EGY30 متساءلاً «أخبار مارينا إيه والجيت واللانشات والفيلل والخمرة والنسوان، أنا بس مش عاوز أتكلم، بس اللي جاي تقيل يا محمد». 

وكشف شقيق محمد علي «صاحب شركة أملاك»، عن مشكلات بين أخيه ووالديه قائلاً «من النضال إنك تدي بلوك لأبوك وأمك، أبوك الراجل الكبير اللي ذليته وخليت سكرتيرك يرد عليه ويقله مش فاضين، دا غير أمك اللي رفعت عليك قضية بسبب فلوس أخوك الميت اللي انت سرقتها».

وأوضح شقيق محمد علي أن أخيهما الثالث إبراهيم توفي وقام صاحب شركة أملاك بالاستيلاء عليها وترك أولاده في إيجار جديد ويعيش بالاقتراض من أجل دخول المدارس، قائلاً «انت سرقت فلوس أخوك وورث عياله وبيلموا دلوقتي لهم عشان يدخلوا المدارس».

ووجه شقيق محمد علي رسالة إلى صاحب شركة أملاك قائلاً «أنا مشفتش غير نضال في مارينا وفيرمونت، هل كنت بتروح النجوع والقرى وتناضل مثلاً، النضال انك تاكل فلوس اخوك الميت، إيه ده يا محمد، انت جنون الشهرة عاميك، انا مش عاوز اقول كنت بتعمل ايه عشان تطلع في لقطتين تلاتة، وبعد ما لقيت نفسك مغمور محدش عارفك، تقوم تتكلم زي الناس الهبلة، فتتشهر».

واختتم شقيق محمد علي كلامه قائلاً «انت طلعت وقلت هجاوب على كل أسئلتكم، فرد عليا»