تحدث الفنان" أحمد طعيمة "عن شخصيته "ارتقاء" في مسلسل" مكتوب عليا "والمواقف المضحكة التي تعرض لها أثناء تجسيدها في لوكيشن المسلسل .

حلّ" طعيمة" ضيف شرف في برنامج صاحبة السعادة" لإسعاد يونس" ، وكشف خلال اللقاء عن شخصية "ارتقاء "التي يفضلها عن شخصية "علاء" قائلاً : " ارتقاء كوميديا فظيعة يا أستاذة … أولاً لأنني جيت قعدنا خمس شهور نصور في المسلسل من شهر واحد حتى العرض الرمضاني لآخر شهر رمضان " .

وتابع الحديث عن موقف تعرض له أثناء دخول اللوكيشن بشخصية ارتقاء :  " فجيت الناس عرفاني …الجروب صباح الخير ياطعيمة...جيت لبست الوليه دي ...لبست ارتقاء ...اللوكيشن كله مش عارف يتعامل معايا حسوا إن في واحده ...ممثلة جديدة ...ست جديدة داخلة عليهم ...وهيا ست مدهورة أوي ذات كيان فعلاً محدش كان عارف يتعامل معاها " .

وتابع "حتى إللي كان بيحطلي الميك محرج مني ...قولتلوا يا هندسة أنا محمد طعيمة ...أنا مش ارتقاء يا حبيبي ...فعيش " ،  وأضاف  "حتى خالد الحلفاوي خد فترة ...حس بفجوة بينا ...إن في ممثلة جديدة ...مش معروفة مش عارفها في السوق بيتعملوا معاها فعلا ".

وتحدث عن موقف مضحك  دار بينه وبين" هناء الشوربجي" قائلاً : " مدام هناء الشوربجي ليا موقف معاها كوميدي جداً في ارتقاء ...كنا بنصور في الكوافير ومدام هناء مكناش اتقبلنا قبل كده ومكنتش شافتني كراجل ...  شافتني كارتقاء " .

واستكمل " وجت شفتني فبسلم عليها وبقولها ازيك  ...بصوتِ ده ...فقلتلي ازيك يا حبيبتي ! عمله إيه ...فبقولها أنا أسمي محمد طعيمة ممثل راجل و مع حضرتك في المسلسل ...فقلتلي:  آااه ...مفيش أي أقتناع  ...شوية قالتلي:  إزيك ! " .

كما استكمل حديثه عن موقف آخر " كنا بنذاكر بقا بنحفظ ...قولتلها:  أستاذة أنا محمد طعيمه " ، فردت عليه " أيوه أيوه سمعيني " ، وأضاف " هيا مقتنعه فجه المنتج الفني قالها : ده أستاذ محمد طعيمه ...راح مطلع صورتي على الموبايل ...وشغال معانا في المسلسل وبيعمل شخصية الست " قالتلي : بس المهم انتي !  وأختتم الموقف "   بتديني نصيحة لمستقبلي  ...وبتقولي : أنتي ممثلة كويسة ! " . 

ويعتبر الفنان محمد طعيمة أحد الممثلين الصاعدين وشارك في العديد من الأعمال ك مسلسل" خلصانة بشياكه" بطولة أحمد مكي و"الوصية" بطولة أحمد أمين وأكرم حسني و"مكتوب عليا "بطولة أكرم حسني وآيتن عامر وهنادي مهنا وغيرهم .