حلت الفنانة  دينا الشربيني ضيفة على برنامج "سهرانين" مع الفنان والإعلامي أمير كرارة، المذاع على قناة "أون"، لتكشف عن أسرار وحقائق في حياتها الشخصية والفنية، وبعض ذكرياتها في الطفولة والمواقف التي تعرضت لها.

طفولة دينا الشربيني

تحدثت" دينا الشربيني" عن طفولتها قائلة: " وأنا صغيرة كنت بمثل في الحمام، عشان محدش يدخل عليا، أنا لو في أوضتي ممكن حد يدخل، لإني مكنتش قايلة لحد إني بحب التمثيل، كنت بقعد قدام التليفزيون بحفظ مشاهد من أفلام ومسرحيات وأمثلها لنفسي، وكنت بقعد بالساعات في الحمام".

وأضافت "وأنا طفلة كنت متعبة أوى لوالدى ووالدتى، يعنى مثلًا كنت بحب كوبرى 6 أكتوبر أوى مش عارفة ليه، فكان والدى يضطر يطلعنى عشان لما بطلع في أول الكوبرى بنام وأخر الكوبرى لما ينزل أصحى وأقوله مشوفتش الكوبرى، وكان لما يدخل ينيمنى ويعمل إنه ساحر، كان هو ينام وأنا أخرج لوالدتى وأقولها متعمليش صوت عشان بابا نام".

وتابعت " كنت بلعب كورة وبنزل دورات رمضانية في نادي هليوبوليس، مكنتش شاطرة، وكسرت رجل بنت مرة بس مكنتش أقصد، وكنت بلعب مساك".

دينا الشربيني وطريقة إقناع أهلها بالتمثيل

كما أوضحت "الشربيني" عن رفض أهلها للتمثيل في البداية معلقة: "والدتى مكانتش موافقة خالص، وأنا كنت هموت وأدخل أي حاجة خاصة بالتمثيل، ووالدى مكانش بيعترض على أي حاجة عوزاها بس هو كان نفسه أكون مذيعة، فقالى على فكرة نخلى والدتى توافق على التمثيل وهي إنى أكون مذيعة في الأول وواحدة واحدة أدخل مجال التمثيل، وفعلا بدأت كمذيعة في برنامج شبابيك وبرنامج عز الشباب".

وأعربت عن حبها الشديد للتمثيل قائلة: " أنا بحب الأفلام الأبيض وأسود جدًا وعندى مسرحيات كتير زمان بحبها وبتفرج على طول عليها، لأن أنا لما بعلق على حاجة عمرى ما بزهق أبدًا، وشادية بالنسبالي عشق كبير".