حل الفنان عمرو رمزي ضيفًا في برنامج "نص الكلام" مع الإعلامية راغدة شلهوب، المذاع على قناة النهار، ليدلي ببعض التصريحات عن حياته الشخصية والفنية، وسبب فشله في السينما.

عمرو رمزي وسبب فشله في السينما

وتحدث عمرو رمزي عن فشله في السينما قائلًا: "اتعرض لي فيلم سينمائي من بطولتي شافوه 15 واحد مثلًا، ولم يلق النجاح المطلوب، كنت عامل نفسي نجم، ورحت عشان أتابع الإيرادات، وقفت قدام السينما، وجه مجموعة من الشباب يتصوروا صور تذكارية معايا، فسألتهم عن رأيهم في الفيلم، لكنهم أتفجئوا أن في فيلم بيعرض لي، وقالولي أنهم حبوني بسبب مسلسل فرقة ناجي عطا الله وحيلهم بينهم، بعدها صدمت".

وأضاف: " السبب في فشل تجربتي في السينما إن المنتجين لم يعلنوا عن الفيلم بشكل كافي، وفي السينما لازم واحد يكون صايع وعارف مفاتيح اللعبة والغلطة اللي انا عملتها إني اخترت منتجين جداد ومخرجين جداد".

وأشار إلى محاولته للعمل مع منتجين كبار وعلق: حاولت أخوض تجربة السينما مع منتجين كبار، وكلمت كتير الفنانين اللي اشتغلت معاهم، محدش بيرد عليا ومعرفتش السبب وراء عدم ردهم عليا، رغم إننا اشتغلنا مع بعض أعمال كتير ونجحت".

وتابع: "لو جالي فيلم جديد وناس كبيرة هيا اللي هتمسك الموضوع هوافق غير كدا لا، وجربت أخبط على كذا باب ولكن بلاقيه مقفول، بسأل نفسي ليه مع أني مش الممثل اللي بيعمل مشاكل، مبلاقيش عندي إجابة ولكن مبشكش في نفسي".