تتوالى حملات منع المطرب سعد المجرد من إحياء حفل له في مصر، وذلك بسبب اتهامه في 3 قضايا اغتصاب، أبرزهم اغتصاب فتاة على أحدى الشواطئ عام 2018، وفتاة أخرى فرنسية عام 2019، مما أدى إلى منعه من دخول فرنسا نهائيًا.

والغريب أن سعد المجرد لم يروج لحفلته في مصر، والتي من المقرر أن تقام يوم 29 ديسمبر الجاري بمدينة شرم الشيخ، لكن الكثير من الصفحات المهتمة بقضايا المرأة مثل "speak up" تابعت الموضوع، واطلقت حملة لإلغاء الحفل.

وكتبت صفحة "speak up" عبر حسابها الرسمي: " واضح أن سعد لمجرد مصمم يحاول يدخل مصر بأي طريقة، حتى لو هيروح يغني في حفلة على الضيق في نايت في شرم الشيخ من غير ما يعمل دعاية عنها أو يعلن عنها بنفسه عشان ما تتكنسلش!".

وأضافت: " وده طبعا بسبب أن في مصر الحفلة بتاعته اتلغت في 2020، وكذلك الحلقة بتاعته اتمنعت من العرض في 2021، وحتى لما طلع في انترفيو يتكلم عن أنه مستعد يروح حفلات في مصر لو الناس عايزاه، الناس اعترضت في الكومنتات واتمسح الانترڤيو".

وأوضحت: "امبارح Taj mahal sharm أعلنوا عن حفلة لـ سعد لمجرد (المتهم في قضايا إغتصـاب وعنـف جنسي) يوم 29 ديسمبر ومن ساعتها بيمسحوا كومنتات الناس اللي بتعترض كعادة أي حد بيحاول يستضيف سعد".

وتابعت: "بعدها كالعادة برضه قفلوا الكومنتات لما لقوا العدد كبير! لو الرسالة ما كانتش وصلت الـ3 مرات اللي فاتوا، فإحنا مش عايزين نستضيف متهم بقضايا اغتصـاب بالجملة في بلدنا، ومش قابلين أن النماذج دي يتعملها حفلات عندنا ويتعمل منهم أبطال كأن التعـدي على الستـات واغتصابهم شيء عادي وملوش عواقب".