وجه الفنان تامر حسني رسالة للجمهور من خلال مقطع فيديو من فيلمه «مش أنا»، قائلًا: «مساء العسليات على الكل، المشهد ده فيه رسالة جميلة أحياناً ممكن يبقى ليك صديق أو ليكي صديقة مريضة أو تعبانة أو في حاجة فيها تضايقها.. نحاول أن احنا عمرنا ما نسخر من حاجة في حد هو مالوش ذنب فيها خلقة ربنا أو ابتلاء، لأن الشخص دا أصلاً نفسياً مع نفسه اللي فيه مكفيه».

أضاف «حسني» عبر صفحته الرسمية على موقع تبادل الصور والفيديوهات «انستجرام»: «لو كان ربنا كاتب أن احنا اللي نبقى حواليه فأكيد عشان نشجعه ومايقفش عند الموضوع دا، ويعرف أن فيه ناس عندها أكتر منه حاجات لا تحتمل وقدروا مايشوفوش غير كل ما هو إيجابي وعرفوا يتصالحوا مع نفسهم ويبقى عندهم رضا من الدرجة الأولى ويحمدوا ربنا على ده ويفهموا أنه ابتلاء أو اختيار له مكاسب أكبر وأكتر من اللي معندوش". 

وتابع: «الشاطر بس اللي يفهم كده، ودا دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمة الحلوة، وطبعا هنا الأستاذ ماجد بيمثل مشهد، انما هو من أطيب وأنضف القلوب».

واختتم تامر حسني حديثه، قائلًا: «والله يا جماعة الكلمة الحلوة ممكن تساهم في إن شخص ينجح وشخص يفشل.. الكلمة الحلوة ممكن تدي أمل عظيم للحياة.. تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال».