كشف الفنان عمرو يوسف عن الإنتقادات التي تعرض لها بعد نشره فيديو يدعم فيه مستشفى 57357.

وقال عمرو يوسف في مداخلة تليفزيونية عبر قناة "القاهرة والناس": "مش مصدق إن فيه ناس يطلع منها كلام زي ده، أنا بكلمك عن مستشفى فيها أطفال محتاجين علاج، وشغالة على مدار السنوات اللي فاتت بفلوسنا وفلوس المصريين،  كامل احترامي لكل الدكاترة اللي بيعلموا مجهود خرافي وإحنا بندفع وبنقومها ومينفعش نسيبها تقع لأنها من أحسن المستشفيات".

واستنكر عمرو يوسف الهجوم الذي تعرض له شيخ الأزهر أحمد الطيب بسبب تهنئته للإخوة المسيحيين وعلق: "حتى شيخ الأزهر أحمد الطيب اتهاجم لما نزل بوست بيهني فيه إخواتنا المسيحيين".

وأضاف: "احنا وصلنا لأنهي مرحلة، يؤسفني إن لغاية يومنا هذا وفيه حد بيقول لا يجوز إننا نهني المسيحيين، والموضوعين مش مفصلوين عن بعض".

وعن فيديو دعم مستشفى 57357 قال: "الفيديو دا طلع من قلبي فعلًا، واللي بيطلع من القلب بيوصل للقلب، والمستشفى دي مفيش زيها في دول عربية أغنى مننا وأنا اتفرجت على حاجات في المستشفى تؤكد إنه صرح كبير".

وتابع: "مستشفى 57357 صرح كبير مينفعش نسيبه ينهار، وأنا عارف أن فيه أزمة اقتصادية طاحنة على الجميع ولكن مينفعش نقطع أو نمنع الدعم عنها والمستشفى محتاجة والأطفال محتاجين، ويتم تقديم خدمات على أعلى مستوى في المستشفى".