كشفت الفنانة يسرا عن عدم حبها لجملة أنا كبرت، وأنها تعتبر العمر مجرد رقم في حياتها، مشيرةً إلى أنها من حقها أن ترقص وتستمتع بحياتها في كل ثانية.

وقالت يسرا خلال لقائها في برنامج "كلام نواعم"، المذاع عبر شاشة قناة "ام بي سي1": " أنا بحب أكون سعيدة واستمتع بحياتي في كل ثانية، وعمري ما فكرت أقول مينفعش أعمل كده عشان كبرت، العمر بالنسبالي مجرد رقم".

واستكملت: "أنا بحترم السن اللي وصلتله، الناس هتقولي إنتي بترقصي في أماكن وبتغني، طبعًا برقص وبغني، أنا بني آدمة بحب انبسط وارقص وبحب الناس اللي معايا يكونوا مبسوطين".

وتحدثت يسرا خلال اللقاء عن عدم إنجابها، موضحة أنها لا تشعر بالحزن وتشكر الله على كل شئ وعلقت: "وأنا في التلاتينات كان عندي هاجس إني لازم أبقى أم، لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى".

واستطردت: "لما اتجوزت خالد قولتله نخلف ملقتوش مبسوط من الموضوع دا وقالي نشوف، قولت ده مش عاوز يخلف مني وسألته أنت شايفني أم مش كويسة".

وتابعت: "قالي إنتي الست الوحيدة اللي أتمنى أخلف منها، لكن الزمن اللي هنخلف فيه عقبال ما يكبر بعد 20 سنة هتبقى حياة مختلفة مش هيشوفوا اللي احنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش".