سمسم شهاب يكشف موقفه من اعتزال الغناء
الجمعة 13/يناير/2023 - 11:41 م
سمسم شهاب
محمود حربي
طباعة
نفى المطرب الشعبي سمسم شهاب، الأنباء المتداولة، بشأن اعتزاله الفن بشكل نهائي، لافتاً أنه لا يعرف مصدر الشائعة، وأنه لا يزال مستمراً في الغناء.
وقال سمسم شهاب، في بث مباشر عبر صفحته على «فيسبوك»: «أحد الصحفيين سألني بيقوللي الفن وإلى آخره، قولتله مش راضي عن الوضع اللي حاصل، قاللي وبتهاجم بتوع المهرجانات وبتدعو للفن الكويس، قلتله آه طبعًا، قاللي ما أنت بتغني في ملاهي ليلية».
وأضاف شهاب: «أنا كان ردي إني مُجبر، إن شاء الله أحاول أبعد، فقاللي ده حرام، قلت له لو هنتكلم عن الحلال والحرام كتير من الأئمة حرّموا الغناء، وتركه هو المشروع المستقبلي اللي بفكر فيه».
وتابع: «ده موضوعي اللي جاي عايز بس أقف على أرض صلبة عشان مبقاش حرقت نفسي وخسرت حاجات كتير جدا، قمت لاقيت مواقع كتيرة وكبيرة بتكتب إني بعتزل الفن نهائيا، بس الحقيقة إن ده قرار ناوي أخده في المستقبل، فيه حاجة في دماغي عايز أعملها عشان لما أبعد أكون واقف على أرض صلبة عشان مرجعش تاني».
واستطرد سمسم شهاب: «ظروف الحياة صعبة على الكل، حبيت أوضح إن الكلام ده كلام مش صحيح وخبر غير صحيح، وللأسف زعلان من الصحفي جدا جدا مش عارف ليه عمل كده، وواخد على خاطري جدا منه».
واختتم: «أنا بحترم جدا الصحفيين وبتعامل بكل احترام، وهذا ما يستحقونه والمفروض يحصل، لكن المفروض التصريحات كمان متتحرفش»
الكلمات المفتاحية
موضوعات متعلقة
