جيهان شماشرجي: مليش صحاب ودايمًا كنت بتعرض للتنمر وأنا صغيرة
الأحد 29/يناير/2023 - 03:39 ص
جيهان شماشرجي
سمر عبدالمحسن
طباعة
كشفت الفنانة جيهان شماشرجي عن تعرضها للتنمر في طفولتها أثناء فترة دراستها من خلال ظهورها في برنامج مينيز، والذي يعرض عبر موقع التواصل الاجتماعي فيسبوك.
وصرحت جيهان عن تجربتها مع التنمر متعجبةً:" لا التنمر اللي كنت بتعرضلة في المدرسة كان حاجة بشعة، أنا مكنتش أصلا بعرف أواجه مكنتش بعرف أقول لا".
جيهان شماشرجي: أنا انطوائية ومعنديش أصدقاء
وتابعت جيهان:"فكرة إن أنا انطوائية مثلًا ماعنديش صحاب فكنت طول الوقت حاسة إن أنا مش مرغوب في وجودي، كنت ببقي قاعدة في الفسحة لوحدى تماماً وعلى جنب معرفش حد معرفش أسامي حد، وخايفة إني أتعرف على طفل أو طفلة تانية علشان نبقي أصحاب فأبقى منبوذة، ففضلت أكون لوحدي دايمًا".
وعن عدم مصارحتها لأحد عن تعرضها للتنمر علقت:"مش عارفة ليه مكنتش بحكى لحد أو ممكن لو قعدت مع نفسي شوية هفتكر أنا ليه مكنتش بحكي لحد بس عمري ما اتعلمت مثلًا، لما بدأت أروح لدكتور نفسي من 6 سنين عرفت ازاي أعمل حدود لنفسي وللي حواليا".
مسلسل غرفة 207
وفي سياق منفصل كانت قد شاركت الفنانة جيهان شماشرجي في مسلسل غرفة 207، والذي تدور أحداثه حول الرعب والتشويق وكان يعرض علي منصات شاهد ويتكون من 10 حلقات تعرض حلقة كل أسبوع ويشارك في البطولة كل من محمد فراج، ريهام عبد الغفور، وناردين فرج، ومراد مكرم، ويوسف عثمان، ومريم الخشت، ومن تأليف أحمد خالد توفيق، سيناريو وحوار تامر إبرهيم، إخراج محمد بكير.
