«أفتقد حياتي بعد رحيله».. سحر رامي تستعيد ذكرياتها مع حسين الإمام
الخميس 23/فبراير/2023 - 07:43 م
سحر رامي و حسين الإمام
منار عبدالعال
طباعة
تحدثت الفنانة سحر رامي عن زوجها الفنان الراحل حسين الإمام وعلاقتهم سوياً قائلة: «معظم الإعلانات بتاعتي حسين هو اللي عامل المزيكا بتاعتها».
سحر رامي وأول لقاء مع حسين الإمام
كشفت سحر رامي خلال ضيافتها في برنامج «الستات ميعرفوش يكدبوا»، الذى يعرض على شبكة قنوات «سي بي سي»، عن علاقتها مع الراحل حسين الإمام قائلة: «معظم الإعلانات بتاعتي حسين هو اللي عاملي المزيكا بتاعتها، بس مكناش اتجوزنا وهو شافني في إعلان شراشيب ومكنش عارف اسمي وقال لوالده أنا عاوز أتجوز البنت دي، فكنت بعمل مسرحية مع فؤاد المهندس وعرف اسمي من أولاده، وجه المسرحية وابتدي يتعرف عليا، وأستاذ فؤاد المهندس اختارنى للمسرحية من نفس الإعلان».
رثاء سحر رامي زوجها حسين الإمام
تابعت سحر رامي حديثها عن الراحل حسين الإمام قائلة: «حسين الإمام بالنسبه ليا جوزى وصاحبي وحبيبي وأبويا، لا يتجزأ بفنه ومزيكته وتمثيله، افتقد حياتي كلها بعد رحيله، ومفتقده كل حاجة ممكن أستمتع بيها في الدنيا، أبتدينا سوا وكبيرنا وربينا العيال، أكتر حاجة مفتقداها حوارنا سوا ومكناش بنبطل رغي، وأنا قاعدة لوحدي بكلمه مش مجنونة بس بقول هنا كان هيقول كدة».
سحر رامي تكشف سبب ارتدائها لعقد معين
وخلال اللقاء كشفت سحر عن العقد الكبير الذي ترتديه طيلة الوقت، قائلة: «العقد دا أنا عملته بنفسي، ودا حسين وأنا والأولاد يوسف وسالم، وأنا من زمان كنت بعمل لبسي بإيدى، ودى موهبة عندى من وأنا صغيرة».
الكلمات المفتاحية
موضوعات متعلقة
