يتعاون الفنان ياسر جلال مع مي عمر مرة أخرى في مسلسله الجديد علاقة مشروعة، الذي يعرض في الموسم الرمضاني 2023 ، وتشاركهم البطولة الفنانة ميمي جمال، وصرح أن المسلسل مكتوب من سنتين، وتم عرضه علي المتحدة ورحبوا به، والمؤلفة سماح الحريرى قالت أن ذلك الدور لياسر جلال فقط.

مسلسل علاقة مشروعة في الموسم الرمضاني 2023


وتابع: «الموضوع جديد وحلو، اللون دا احنا مشتغلناش عليه قبل كدا، فتحمسوا ليه والحمدلله أحنا بنصور دلوقتي، وربنا يقدرنا واحنا بنواصل الليل بالنهار، وعندنا أمل نخلصه قبل رمضان ولو أتبقي ممكن يتبقي 3 أو 4 أيام مش أكتر إن شاء الله».


وضح ياسر عن رد فعله بعد ما عرض عليه المخرج بيتر ميمي تقديم شخصية الرئيس عبدالفتاح السيسي قال: «لما عرضوا عليا الشخصية أنا مصدقتش، وأتفاجئت طبعاً قولتلهم يا جماعة انتوا بتتكلموا بجد ولا بتهزروا؟، مينفعش يهزروا طبعاً في حاجة زي كدا، قالولي آه طبعاً، انا اتوترت وأتلغبطت، بالإضافة أني خوفت جداً جداً، مش خوفاً من أداء الشخصية، لكن خوفاً من إني لأفشل أثناء أدائها، وبعدين موضوع تجسيد الشخصية دا من أصعب الأشياء على الممثل، فكان التحدي كبير جداً».