كلب أميرة شنب يفترس أحد المواطنين.. القصة الكاملة

السبت 04/مارس/2023 - 01:50 م

أميرة شنب

منار محمد عبد الهادي

تعرض أحد حيران المذيعة أميرة شنب مقدمة برنامج «أميرة في المطبخ» على cbc سفرة، يوميا في الثالثة عصرا، لقطع نافذ في الأوتار والأعصاب بسبب عضة من كلبها المفترس، ونشرت هند سعيد جارة أميرة شنب تفاصيل الحادث، عبر حسابه الرسمي على موقع التواصل الاجتماعي فيسبوك: «محمد محب الماوى، حظه انه ساكن تحته المذيعة أميرة شنب اللى بتقدم برنامج أميرة في المطبخ».

جارة أميرة شنب تروي الواقعة

وسردت جارة أميرة شنب التفاصيل: «واللي عندها كلب بيتبول ضخم العضلات اللى من المحظور استيرادهم دوليا دول، وبالرغم أن هو محب للحيوانات فعلا، إلا أن الكلب ده كان دايما يهاجمه في الطالعة والنازلة، وكان بيقول أنه صعبان عليه جدا إنه مش واخد عناية كافية في تحسين السلوك، وإنه بيهاجم كل اللى بيشوفه».

وأضافت: «يوم الاحد اللي فات قرر محب إنه يخبط على باب مدام أميرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللي عادي جدا إنه ينط من فوقيه!! فتحت له الشغالة، وقبل ما يفتح بقه بكلمة واحدة خرج الكلب المفترس ده من وراها، وهجم علي محب في مدخل العمارة اللي كان واقف فيه ابنه، وحاول إنه يفدي ابنه، الكلب حرفياً قام بإفتراسه بدون مبالغة، عض في الذراع والفخذ وأماكن متفرقه من الجسم نتج عنها قطع نافذ في الأوتار والأعصاب!!! وفجأه المدخل كله بقى دم».

الحالة الصحية لجار أميرة شنب

وتابعت: «طبعا ابنه واقف وشايف ده كله بيحصل لأبوه، بالعناية الإلهية فقط استطاعوا ان يفلتوه من بين أسنانه، وتوجهوا به لمستشفى "دار الفؤاد" بحكم إنها أقرب مستشفى كبير لهم، بعد الفحوصات أكدوا انه هيحتاج لعملية نقل أعصاب من القدم الى هذا الذراع الذي تم تمزيقه، بعد إجراء الفحص الطبي المطلوب دخل محمد غرفة العمليات، وفور إعطاؤه حقنة التخدير توقف القلب لمدة ٣٠ دقيقة تقريباً».

دخل فى غيبوبة وتم اعطاؤه صدمات للقلب ونقله للرعاية المركزة وتم تأجيل العملية لأجل غير مسمى حتى يعود مرة أخرى للحياة، والمحزن أنه لم يعد للوعي حتى الآن، وفقا لما قالته جارة الإعلامية أميرة شنب.