تحدث الفنان ياسر جلال خلال لقائه مع الإعلامي رامي رضوان في برنامج مساء DMC، عن معايير اختياره لأعماله الفنية مؤكدًا أنه لا يتحمل عنصر الفشل قائلاً: «أنا بيهمني أنقي عمل حلو وكل أعمالي الأخيرة الحمد لله ربنا كرمني وفيها حاجة تتشاف، وأنا بختار أعمالي تكون فيها دراما قوية والحدوتة يكون فيها تصاعد وصراع لأن لازم يحصل صراع ويتبني عليه أحداث».

وواصل ياسر جلال: «فيه أعمال أفكارها غريبة وأنا مش بحبها، أنا بحب الحاجات اللي اتربينا عليها، والمجازفة بالنسبالي محسوبة؛ وبخاف أفشل لأني معنديش فرصة للتعويض، مبقاش في عمري الفني بقية كبيرة، ولكن أنا بردو شخص رومانسي وبحسب كل شيء بالعاطفة وفي نفس الوقت فيا طابع شرقي».

سبب ابتعاده عن الظهور في لقاءات تلفزيونية

وقال ياسر جلال خلال لقاء مع الإعلامي رامي رضوان أن سبب قلة ظهوره في اللقاءات التليفزيونية أنه يصاب بدوخه عندما يتحدث في اللقاءات التليفزيونية قائلاً: « بيجي لي دوخة لما بطلع في أي برنامج وبكون مش مرتاح وطاقتي كلها بتخلص في الشغل ومبعرفش أتكلم عن شغلي».

وأستكمل ياسر جلال حديثه: «بسيب النقاد هما اللي بيتكلموا وبتقبل كل حاجة؛ لأن مفيش حد كبير على النقد، واللي بيزعل من النقد ميبقاش تحت الضوء، وأهم شيء تكون راضي وضميرك مرتاح».

وأكد ياسر جلال عن فخره لانتمائه للوسط الفني قائلاً: «أنا فخور إني بنتمي للوسط الفني وإحنا على عكس ما الناس بتشوفنا وممكن زميل يتفهم غلط في مكان أو مناسبة وشغلنا متعب جدا ومش بنقصد نعمل حاجة غلط، وزمايلي بيتعرضوا لهجوم شديد».

رأي ياسر جلال عن الهجوم على الفنانين

علق الفنان ياسر جلال علي هجوم الجمهور على الفنانين قائلاً: «بستغرب من الهجوم على بعض الفنانين فلو حد منهم أخطأ في شيء معين بقول له هل نسيت تاريخه؟ ولو تعثر بلاش تدبحه وأقف في ضهره وبلاش انتقاد بـ تجريح وتموت الفنان ليه؟ فين التسامح والحب؟ الفنان لازم يكون مقدر أكتر من كدا، الفنانين بيسعدونا والفن شيء عظيم ومش حرام دا رسالة قوية جدا.