حل الإعلامي تامر أمين اليوم ضيفًا على برنامج العرافة مع الإعلامية بسمة وهبة، عبر قناتي النهار والمحور، وتحدث عن تفاصيل لأول مرة عن حياته الشخصية، كما تحدث عن أسباب نجاح الإعلامي عمرو أديب من وجهة نظرة.

سرد الإعلامي تامر أمين تفاصيل لأول مرة عن حياته الشخصية، قائلاً: "أنا شخص منفعل وماقدرش استحمل الأشخاص المستفزين وبخرجهم من حياتي، وأي حاجة غلط بتحصل قدامي بتحسسني بضيق والعكس صحيح لما بشوف حاجة كويسة بشعر بالسعادة".

كما تحدث تامر أمين عن أسباب نجاح الإعلامي عمرو أديب من وجهة نظره، قائلاً: "أنا مش بقول أني رقم واحد، رقم واحد عمرو أديب ورقم اتنين أنا، عشان شغلتنا أهم عنصر فيها الرزق، ربنا صارف لعمرو أديب النجاح وهو عنده مدرسة متفردة وهي مدرسة اللاقواعد، زي الطريقة والصوت العالي بمناسبة وبدون مناسبة والمصطلحات".

علق تامر أمين على أزمته الشهيرة مع أهل الصعيد، حيث قال: "كانت زلة لسان في سوء اختيار الكلمات، واعتذرت 3 مرات، وماخدنيش جلالة الهوا، المعنى ممكن تقوليه بشكل يعدي وممكن نفس المعنى تقوليه بشكل يسيء، وماخوفتش على مستقبلي الإعلامي، أنا شوفت كتير في مجال الإعلام وياما دقت على الراس طبول".

علق تامر أمين على أزمة الفنانة شيرين عبد الوهاب وقال: "كنت طرف في أزمة معاهم، حسام حبيب له الإسهام الأكبر، وهي شريكة لأنها سمحت بده، والظاهر بالنتيجة ان شيرين كانت حاجة وبتشتغل وبتنجح، ثم تزوجت حسام حبيب وفضلت تختفي وتنحسر وليها أخطاء بس، والمتغير اللي حصل كلامها من حسام، واللي أكدلنا ده كلامها عنه".