و عن آخر لقاء جمعه بنجله وديع، قال جورج وسوف : «وديع قالي إنه رايح يشوف الدكتور وجاي بعد نص ساعة، وفاتت النص ساعة ومجاش، وشوفت إنه مات قبل ما يقولوا مات وحسيت، والناس عزوني من قلبهم لأن وديع كان خدوم وطيب مع الكل».

تلاوة القران في عزاء وديع ابن جورج وسوف

وعلق جورج وسوف على تلاوة القرآن في عزاء نجله، قائلاً، كلنا نصلي إلى الله، وكلنا بنطلب الرحمة إلى الوديع وأنا مسيحي ولكن متسامح مع كل الأديان ومعرفش إلا المحبة.

خلافات جورج وسوف في الوسط الفني

كشف جورج وسوف حقيقة وجود خلافات بالوسط الفني، قائلاً: «الوسط الفني مفهوش خلافات والناس بتفتكر إن فيه خلافات بين الفنانين، ولكن ده مش حقيقي لأن الله كاتب رزق كل شخص، وبنختلف من باب الحب، وأغناني كتير ليا اتسرقت وبقول نصيبه ومعنديش مشكلة وعلى اللي جرى وقد الحروف كانوا ليا وراحت لشخص غيري، ولكن بقول دا نصيبهم وأنا حظي جميل في الحياة وربنا منحني أكتر مما أستحق، ووليد توفيق صديقي المقرب من الفنانين ومسابنيش ولا لحظة».

حقيقة خلاف أصالة وجورج وسوف

أضاف جورج وسوف: «أنا مشوفتش أصالة في التريو ولا سلمت عليا وأقسم بالله ما شوفتها، لأني طلعت على المسرح على طول وخلافي معاها زمان سببه إن كلامي كان قاسي عليهم وهي كانت ذوق معايا ومفيش خلاف بيني وبينها حاليا، وكلامي كان من باب المحبة، وكلمتني لما مات وديع وعزتني وأصالة بنت بلد وفنانة عظيمة، وأنا لم أستبعد إليسا من الغناء معي في التريو وأنا طلعت على المسرح لقيت الفنانين زي ما هما وعمري ما رفضت أغني معاها».

مشاركة جورج وسوف في حفلة ليلة التريو

كما تحدث جورج وسوف عن ليلة التريو في الرياض: قائلاً: «اللي بيحصل في الرياض عمرنا ما شوفناه قبل كدا وتطور كبير، وليلة التريو نايت كانت تجربة تحفة وأتعرفت على فنانين مكنتش أعرفهم، ومحبتهم ليا كانت ظاهرة في عيونهم، وكانوا بيغنوا من قلبهم».