حيث كتبت قائلة :-"الإعتراف بالحق فضيلة والإعتذار دائمًا لما يكون واجب عمره ما بيصغر بالعكس بيكبر و بيبين تربيه الواحد والحمد لله الميزة الوحيدة اللي فيا إني متربية، من سنه هاجمت الأستاذ طارق نور عشان أسما إبراهيم فجاءة ظهرت واللي كان بيتقال إنها بتنتج لنفسها ومعرفش ده حقيقي ولا لأ ولا ده".

وتابعت :-" المهم وساعتها كانت ضعيفة بالنسبالي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون، بعد ما سنة عدت أنا بعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة".

ومدحت ريهام سعيد الإعلامية أسما إبراهيم:-"أسما السنة دي عاملة توليفة شاطرة أوي بين السخونة والصدق و عدم الفبركة والضحكة وإظهار الحقيقة والمهنية والمحايدة وكل حاجه حلوة،  يمكن في الأول كان في عدم خبرة ورهبة الكاميرا بس السنه دي أبدعتي بما إني شخصية بتحب كل حاجه تبقي مفهاش غلطة أنا فاهمة أنا ليه كتبت كده".

واوضحت سبب عدم قبول أسما سابقا :-" وأنا ضد تقييم زملاء بس برضوا كان صعب أعتبر أسما زميلة في سنة واحدة بعد ٢٥ سنة، أسماء إبراهيم أنا كنت غلطانة و أمتعتينا بابتسامتك الحلوة وموهبتك ظهرت ببراعة كفاية إن في ناس بقالهم سنين ومتعلموش حاجة".

 ‏وأقرت أن الإعلامية أسما خارج أي تقييم:-" أنتي خارج تقييمي أو تقييم غيري محدش ليه أنه يقيم أنا كنت غيرانه على المهنة في وقت ظهر ناس كتير أوي مالهمش معنى" ‏أهلا بيكي زميلة جميلة رقيقة مع ضيوفك بتحطي السم في العسل البرنامج  رقم واحد في رمضان هارد توك".

وتمنت لها النجاح قائلة :-" إن شاء الله من نجاح لنجاح  وكل التحية لميلاد أبي رعد الجندي المجهول وراء نجاح القاهرة والناس وصانع النجوم الأول.. أنا اسفه Miled Abi Raad"، وتفاعل معها  العديد من رواد السوشيال ميديا.

وجاء رد الإعلامية أسما إبراهيم مقدمة برنامج حبر سري على رسالة اعتذار ومدح الإعلامية ريهام سعيد عبر التعليقات، قائلة :-" شكرا يا ريهام انا اصلا بحبك"، واستضافت الإعلامية أسما إبراهيم في برنامجها حبر سري العديد من النجوم منهم ، مصطفى كامل، حسن شاكوش وزوجته.