بطولة تامر حسني.. «سيرنجي» تطرح البوستر التشويقي لـ فيلم تاج
الجمعة 21/أبريل/2023 - 09:36 م
فيلم تاج
محمود حربي
طباعة
طرحت شركة سينرجي، اليوم الجمعة، البوستر الرسمي التشويقي لـ فيلم تاج بطولة الفنان تامر حسني، ويعد الفيلم هو أول عمل لبطل عربي خارق في السينما العربية، من تأليف وبطولة الفنان تامر حسني، وإخراج سارة وفيق.
وكشفت شركة سينرجي، المشاركة في إنتاج فيلم تاج ، للفنان تامر حسني، أن هذا أول إنتاج لسلسة أفلام السوبر هيرو في مصر والوطن العربي، وتحدثت الفنانة ساندي، في وقت سابق، عن كواليس فيلم تاج بطولة نجم الجيل تامر حسني، موضحة أن العمل مع تامر حسني لطيف للغاية وأنه يشجعه ويدعمها بشكل كبير، وقالت خلال لقائها في برنامج "The Insider": "تامر لما يلاقيني قلقانة بيفضل يهديني".
طرح البوستر التشويقي لـ فيلم تاج بطولة تامر حسني
وأضافت ساندي: "وأحيانا بيديني الريأكشن بتاعي اللي أعمله عشان أركز وأطلع الإحساس مظبوط، الفيلم نقلة كبيرة في السينما وتامر تعب جدا فيه هو كأنه فيلم غربي وكل حاجة معموله بشكل حلو"، مستكملةً: "بكون حافظة المشهد بس أول ما أشوف تامر بيضكني وبدل ما أقول الجملة بتاعتي أقول الجملة بتاعته، وبنرجع نعيد من الأول وبيفضل يرمي إفيهات، تامر حسني دايما بيقول أنه متأثر بعد الحليم حافظ ومايكل جاكسون وسوبر مان".
قصة فيلم تاج
وتابعت: "تامر حسني قالي قصة فيلم تاج من حوالي سنة ونص، ومتوقعتش أنه يختارني بطلة للفيلم، وهو دايما بيقول أنه متأثر بعد الحليم حافظ ومايكل جاكسون وسوبر مان، بعدين عمل فيلم بحبك الأول"، مختتمةً: "وبعد فترة اتقابلنا في فرح أحمد عصام واتكلمنا تاني وطلب مني أعدي عليه وقت التصوير روحت وحكالي الفيلم تاني وقالي انتي معانا، وبعدها كلم المخرجة سارة وفيق وقالها وهي رحبت بيا جدًا".
