وأضاف خلال جلسة «العدالة الاجتماعية والصحة» ضمن فعاليات اليوم الثالث من مؤتمر حكاية وطن «بين الرؤية والإنجاز»، الإثنين، «في الوقت ده لقينا إن الناس بتفكر في تشكيل خريطة مختلفة شوية وكانوا مستعدين يشتغلوا مع دولة زي مصر».

وأوضح: «وتم عمل اتفاق وكنا عاوزين المصنع يكون موجود في خلال 2024 أو آخر 2025 ولكن أو 2026 هيكون المصنع ده شغال هنا في بلدنا».

وأكد: «الموضوع دع أنا اعتبرته إنه جزء من تصحيح العادات للمصريين لو قدرنا نخليه مشروع قومي لإنتاج البلازمة لأن المعايير المستخدمة في قبول العينات صارمة جدًا.. طيب يعني أنا عملت مركز في أي جامعة يبقى كل الشباب والشابات الموجودين في الجامعة لو حبوا يتبرعوا في هذا المركز لازم هيحافظوا على المسار الصحي والعادات الصحية لأن أي خلل مش مقبول ومش هيتقدم تاني».

واستكمل: «وفي مقابل.. النهاردة دخل المتبرع كتقدير وشكر من المراكز لو هيتبرع مرة في الأسبوع كم في الشهر؟، طب لو مرتين؟.. رقم معتبر وممكن يتقدم في مصر ملايين، الحلم اللي عندي إنهم يبقوا ملايين، يبقى أنا قدرت أجيب دخل من فكرة تحسن صحة الناس