نشر الفنان كريم فهمي صورة للفنان القدير عادل إمام عبر صفحته الرسمية بموقع التواصل الشهير "إنستجرام ".

وعلق على الصورة قائلًا " الأستاذ عادل إمام من وجهة نظري أعظم ممثل في العالم، والكلام ده مش مبالغة ولا نفاق لأني معرفوش على المستوى الشخصي ولا بسعى إني أعرفه".

وأضاف " الممثل الوحيد في العالم اللي قدر يفضل على القمة خمسين سنة وحتى الآن هو نمرة واحد، الاباتشينوا، روبرت دينيرو، حتى اميتاب باتشان بقوا يعملوا أدوار تانية خلف الشباب إلا عادل إمام فهو محتفظ بنجوميته زي ما هو".

وتابع " الجيل ده كله الأستاذ محمود عبد العزيز، الأستاذ يحيى الفخراني، الأستاذ سمير غانم، الأستاذ أحمد زكي، الأستاذ نور الشريف، الأستاذ حسين فهمي، الأستاذ محمد صبحي وغيرهم من وجهة نظري أهم جيل وجيل لا يعوض، ربنا يخليكوا لينا ويرحم الأساطير اللي غابوا عننا منهم، مش عارف ليه حسيت إني عايز أقول كده ".