أعرب المخرج محمد دياب عن إعجابة الشديد بفيلم «كلب بلدى»، حيث كتب «دياب» عبر صفحته الرسمية عبر موقع التواصل الاجتماعي الشهير "فيس بوك"، قائلًا: "شوفت فيلم كلب بلدي، وهو فيلم رائع ضحكت فيه أكتر من الحرب العالمية، ويمكن من أي فيلم عربي من سنين طويلة".

واستكمل كلامه قائلًا: «كلمة رائع مش بس بتتقال على الأفلام صاحبة المواضيع المهمة وبس... الأفلام اللي معمولة عشان تضحك بس ممكن يبقى فيها جودة صنع وكتابة هايلة واهتمام بالتفاصيل والعناصر والشخصيات وتبقى أوريجنال مش مقلدة حاجة».

وانتهي قائلًا: «لازم يبقى واضح أن فيه ناس مش هيعجبها اللي هيعملوا فهمي وشيكوا وهشام ماجد لوحدهم... لأنهم متعودين على التلاتة مع بعض... بس ده هيتغير بعد شوية مع نجاحهم كلهم منفصلين.. هما عامة عندهم موهبة تمثيلية وكتابية وإبداع يكفي نجوم مصر كلها مش هما التلاتة بس».

ويذكر أن فيلم «كلب بلدى» بطولة أحمد فهمي، وأكرم حسني، وأحمد فتحي، وبيومي فؤاد، ومحمد ثروت، ومحمد سلام، وندى موسى، وحمدى الميرغني، وويزو، تأليف شريف نجيب وأحمد فهمي، وإخراج معتز التوني.