حياة غير آدمية يعيشها المواطنين فى منطقة بولاق الدكرور بسبب انتشار أتلال القمامة أمام الأسواق والميادين.

ورصدت عدسة «المواطن» أتلال االقمامة والمخلفات أمام المنازل والمدارس والمحال، كما أعرب الأهالى عن استيائهم بسبب الأمراض التى لاحقتهم بسبب الروائح الكريهة التى باتت تحاصرهم فى منازلهم.

فى البداية قال على موسى، أحد الأهالى: «الزبالة ملت الشوارع، وكلنا بقينا مصابين بالأمراض علشان الروائح اللى بتخرج منها، ده غير الباعوض اللى ملئت الشقق وباتت مصدر قلق لنا ولأطفالنا».

«مش عارفين نتنفس».. بهذه الكلمات استهلت «شادية رفعت» احدى قاطنات المنطقة حديثها، وأعربت عن مدى استيائها من إهمال المجالس المحلية للمنطقة.

وتابعت: «ابنائنا اتصابوا بأمراض الربو وضيق التنفس، علشان روائح القمامة فى الشوارع واللى تحت منازلنا».

كما قال جمال عبد الفتاح، بائع جملة: «إحنا اللى بنشيل الزباله دى من قدام بيوتنا وعربيات النظافة مش بتيجى خالص».