بشرة سمراء محترقة من شدة الشمس، وعينان أشبه بعيون الصقر، ولسان تنفرط كلماته باللغة الصعيدية، ما إن تسمع صوته حتى تعلم أنه صعيدي النشأة، هو الخال أشهر شعراء العامية في مصر، ابن الصعيد الجواني "عبد الرحمن الأبنودي".

ولد "الأبنودي" في 11 ابريل 1938، في قرية أبنود بمحافظة قنا في صعيد مصر، لأب كان يعمل مأذونًا شرعيًا وهو الشيخ محمود الأبنودي، وانتقل إلى مدينة قنا وتحديدًا في شارع بني على، حيث استمع إلى أغاني السيرة الهلالية التي تأثر بها.

تزوج "الأبنودي"، من المذيعة المصرية نهال كمال وله منها ابنتان "آية ونور"، وألف حوالي 22 ديوانا شعريا، ومن أشهر أعماله "السيرة الهلالية"، كما ألف العديد من الأغاني التي صدحت بها أسماء بارزة في العالم العربي، وتوفي عن عمر يناهز 77 عامًا في 21 ابريل 2015، بعد صراع طويل مع المرض.

غنى "الأبنودي"، لكل شئ للحب،للوطن،للفقر، وللظلم..وإحياءً لذكرى ميلاده جمعنا لكم في السطور القليلة التالية أروع ما قال أشهر شعراء العامية، الخال عبد الرحمن الأبنودي.

1- أحلى ما في الفرحة بتنسي الكبير سنه، وأحلى ما في الحزن كل الحكمة تيجي منه.

2- وأنا الدرويش بأنزف دم وسع لي الطريق يا عم وماشي بجرحي مش مهتم.

3- بكره الجراح تندمل.. عُمر الظلام ما يدوم.

4- بنلف في دواير والدنيا تلف بينا، ودايمًا ننتهي لمطرح ما إبتدينا
طيور الفجر تايهة في عتمة المدينة.. بتدور...مابنكتبش الرسايل مابننتظرش رد، لا حد في يوم سمعنا ولا بنسمع حد، طيور العمر تايهة في عتمة المدينة.. بتدور..ساكنين في عالم يعشق الخطر، فيه الطيور تهرب من الشجر، وتهرب النجوم من القمر، وتهرب الوجوه من الصور... بنلف في دواير ندور ع الأمان، ونلاقينا رجعنا، تاني لنفس المكان، ندور.. ندور.. ندور...نحلم ونحلم بالحياة المُفرحة، وأتاري أحلامنا بلا أجنحة، ندور ندور ندور بجناح حزين مكسور، ساعات نشوف في العتمة،وساعات نتوه في النور، ساعات عيوننا بالأسى تفرح، وساعات في ساعة الفرح ننوح... ولا حاضر ولا ماضي، تروس بتلف ع الفاضي، ولا فينا شباب زعلان، ولا فينا شباب راضي، مفيش غير إننا بندوور.

5- سجنونا قاصدين يسجنوا الكلمة، والكلمة غصب عنها وعني، طلعت من القضبان ومـ الأسوار.

6ـ اللي يقولوا:"السلف تلف"، ناس حاقدة.. واخدة ع الإستكان
إحنا اقتصادنا- ولينا الشرف، نصة استدانة.. ونصة إعانة.

7- ونسألك إنت.. وكإنك نسيت الرد الدنيا تطلع مظاهرات والهتاف بيقول واللي في مخك في مخك.. لا يهمك قول

8- الوطن الكلمة دي العذاب اللي بنوره بنهتدي العذاب ما نقولش أخ ده وطن ده ولا فخ

9- أنا بالوطن مسكون وكِلمتى حُرَّة … عارف حاموت مسجون فى السجن.. أوْ بَرَّه.

10- نطلع من الساقية نقع في طاحون فاشهد يا وطني ع اللي فينا يخون ياللي انت ماسك دفتر الخاينين

11- آن الأوان ترحلي يا دولة العواجيز..عواجيز شداد مسعورين اكلوا بلدنا اكل..ويشبهوا بعضهم نهم وخسة وشكل..طلع الشباب البديع قلبوا خريفها ربيع..وحققوا المعجزة صحوا القتيل من القتل..اقتلني قتلي ما هيعيد دولتك تاني..بكتب بدمي حياة تانية لأوطاني".

12- والطفل حتي إن ضحك فالضحكة تياري باعوا البلد حتة حتة ووزعوا الباقي فجأة صوت الوطن علي ودش القفل.

13- ويهين المعني الظابط ويدوس بجزمته عالحلم ربنا رزقه بجهل غانيه عن كل العلم.

14- وان صرخ القول في الحشا عمر الخشم الحر ما يقدر يقعد مقفول.

15- قلبي ميشبهنيش.. فعلا ميشبهنيش، أوقات بيعرفنى وساعات ميعرفنيش.. فى الحب والإحساس.. وفى اختيار الناس.. يمشى على كيفه.. كتير وميقليش... أصدق كتير منى... وأجرأ كتير منى... وياما صدقته ياما... وكتير مصدقنيش.

16- عارفه يا مرتي الراجل في الغربه يشبه إيه ؟..عود دره وحداني.. في غيط كمون.

17- حبيبي..كل ما بنسى، تفكرنى الحاجات بيكى، كأنك تدمعك عينى، كأنى مش بغنيكى، وأنا الدرويش، أنا السارح بمسبحتى ومبخرتى، وتوب الخيش، أغنيلك وأمولك مواويلك ما تسمعنيش ولا تشوفينيش، ومش لازم..ما دام عايشة، ما دمت بعيش.

18- يا هل ترى الليل الحزين..أبو النجوم الدبلانين..أبو الغناوي المجروحين..يقدر ينسّيها الصباح..أبو شمس بترش الحنين؟؟.

19- الدنيا عِلم !، والعلم أوحش ما ف راسه إنه ميعرِفش إيه طعم حلاوة الحلم !..العلم بيحقق الأحلام، لأنه مبيحبش يبقى في ف الدنيا حِلم !.

20- الفجر عُمره مــاقـــــال للّيــــل: عن إذنــــك، يطلـــع.. يغمّـض عينيــك.. يصرُخ يصمّ اذنك، يهجم.. يعرّيـــك... يخليـــــك تـحـترِم وزنــــك، مش كنت بتغنى للفجر السجين يطــلـــــــــــع ؟، أهو انــدلــعْ.. لـيـه مقــابــل فرحتُــه بحــزنــك ؟.