عرض برنامج "طريق الخير" حادث العروس "اصالة" التي انتحرت قبل موعد زفافها بشهر واحد بعد اغتصابها من قبل 3 من اخوة جيرانها يترأسهم شقيق صديقتها "كوريا"، التي حرضت شقيقها واصدقاؤه عليها بدافع الغيرة والحقد، فرغم كونهم أصدقاء إلا إن "كوريا" كانت تغار بشكل كبير من "أصالة" ما دفعها لترتيب حادث اختطافها واغتصابها كي تفضحها وسط أهل المنطقة، "وتخلي راسها في الطين" وفقا لسنية زوجة شقيق العروس.

وقالت "سنية" للإعلامي علي فايز مقدم برنامج "طريق الخير" المذاع علي فضائية "إل تي سي"، إنه في يوم الحادثة اتصلت "كوريا" بالمجني عليها وقالت لها "تعالي افتحيلي انا تحت البيت عندك وبنزف، دا جوزي ضربني وانا مش قادرة اروح عند حد من قرايبي"، وفور أن خرجت لها ضربها أشقاء "كوريا" على رأسها واقتادوها للسيارة، وتناوبوا على اغتصابها، وعندما قالت لمحمد شقيق صديقتها: "ليه كده يا محمد.. داحنا واكلين عيش وملح في بيت واحد"، رد عليها "محمد": " دانا بتكتكلك من 6 شهور، لازم اقتل فرحتي".

وتابع شقيق المجني عليها: "افتكرناها اتخطفت وقعدنا ندور لحد الساعة 2 بالليل، وبعدها اتصل بيا محمد عبدالفتاح وقالي تعالى لوحدك انا عارف طريق اختك ومتجيبش حد معاك، وروحتلهم اخدوا مني الموبايل وركبوني الميكروباص وقفلوا عليا الباب من برة، وفضلت مستنيهم اكتر من ساعة ونص، وزقوها في الميكروباص وقالولي خد اختك وروحها"، مضيفا: " منعرفش هما عملوا فيها كده ليه ولا عملوا معانا كده ليه، دانا لسه مسلف ابوهم 10 آلاف جنيه علشان يصلح عربيته، بعد ما عمل حادثة بيها، واختي انتحرت بسبب قهرتها وانتحرت من زعلها على نفسها وعلى فرحتها اللي اطفت".

وطالب "محمد" شقيق المجني عليها العدالة بأن يأخذ الجناة احكاما رادعة، كي يكونوا عبرة لكل من تسول له نفسه أن يتلاعب بأعراض الفتيات.