كتير من البنات بيعانوا من الجلد الجاف، ومن الحاجات المفيدة جدا التي تساعد في التخلص من المشكلة دي هي اللوشن يعتبر مرطب ومغذي جدا للجلد، والنهاردة تقدم بوابة "المواطن"، طريقة طبيعية لعمل اللوشن في البيت.

طرق طبيعية لعمل اللوشن:

المكونات:

– ¾ كوباية زيت لوز حلو، 1 ملعقة صغيرة زيت فيتامين E، 3 معالق كبيرة زبدة شيا، 2 معلقة كبيرة زبدة كاكاو،1 ملعقة كبيرة شمع عسل، 1 كوب مية مقطرة او مية ورد، 43 نقطة من زيت اللافندر أو زيت البرتقال وممكن تقللي الكمية ل 20 نقطة لو اللوشن للاطفال.

الطريقة:

– اخلطي زبدة الشيا مع زبدة الكاكاو وزيت اللوز وشمع العسل ودوبيهم مع بعض في حمام مية سخنة.

– سيبي الخليط يبرد لمدة دقايق، صبيه في البلندر واضربيه لحد ما يبقى سمكه كريمي.

– ضيفي له زيت فيتامين E والزيت العطري، اضربيه ثواني بالبلندر مرة تانية عشان تمزجي كل المكونات كويس.

– وانتي بتضربي الخليط ابدأي ضيفي المية المقطرة او مية الورد بالتدريج وخلي البلندر على سرعة من بطيئة لمتوسطة لمدة 30 ثانية.

– صبي الخليط في علبة او برطمان او ازازة بمضخة اي حاجة متوفرة عندك، خزينة في مكان بعيد عن الضوء والحرارة، وسيبيه 24 ساعة قبل الاستخدام وبعد كده استخدمي عادي على البشرة والجسم.