السيسي: افتكرو إن احنا عايشين على 5% من أرض مصر
الخميس 18/يناير/2018 - 07:38 م
محمد سعد
طباعة
قال الرئيس السيسي، "يا ترى البنية الأساسية فيما يخص شبكة الطرق القومية الموجودة في مصر هل هي كافية ومناسبة للاستثمار والانطلاق بمصر إلي مستقبل أفضل ، بالطبع لا بدليل على سبيل المثال .. طريق السويس وطريق الإسماعيلية بقى 5 و6 حارات وغير كافى طيب لو مكنش 5 أو 6 حارات في كل اتجاه الموقف هيبقى أيه، الكلام ده ينطبق ..لو الطريق الدائري الإقليمي مكنش اتعمل والمفروض أن ينتهى في 30 يونيو 2018 يتم افتتاحه وهو 400 كم لأنه بيربط محافظات مصر، والدائري الإقليمي والذي تم استكمال القوس الغربي يبقى خلاص يتم استخدامه دون أن ندخل القاهرة ونبتعد عن الزحام، هل كان في خيارات افضل من كدا.
وأضاف كان لابد أن نعمل شبكة الطرق القومية لربط الدولة ببعضها البعض مش معقول عند التحرك للاتجاه الغربي أو الاتجاه الجنوبي يبقى شبكة الطرق الموجودة بالشكل المتواضع ده ، فكان لابد من الدخول في برنامج ضخم جدا لإقامة شبكة الطرق القومية .. فالدول التي تسعى للتقدم والازدهار بتفتح شرايين في أراضيها بتتمثل فى الطرق والاستثمار حول هذه الطرق ".
أنا عايز أقول افتكروا كويس جدا فى 2011 و 2012 وحوادث المزلقنات والناس فى الصعيد وحوادث القطارات القاتلة فابالتالى عملنا برنامج للكباري عبر المزلقنات ومنذ هذا الوقت حتى الأن بنتكلم مش أقل من 200 كوبرى وهم عبارة عن مفصلات تريح الحركة فى مصر، وماتنسوش احنا فى مصر لينا طبيعة خاصة فى شكل تواجدنا على أرض مصر احنا موجودين على امتداد النيل والدلتا وبالتالى حجم الكثافة احنا عايشين على 5% من أرض مصر فلابد أن يكون هناك شرايين قوية جدا ونحل الزحام الموجود بالكبارى لتخفف على الناس حركة النقل والمواصلات، ونقدر نقول للمستثمرين لدينا شبكة طرق قومية متطورة يجدوا هذه الشبكة بتساعدهم على أنهم يتحركوا للموانئ والأسواق والمطارات التى يستخدموها، فكان لابد أن لا نتوقف ونقول شبكة الطرق اتركوها لمرحلة تانية " .
