وزير التعليم اللبناني: "لو لم أكن حمادة.. لتمنيت أن أكون جمال عبد الناصر"
الإثنين 19/مارس/2018 - 11:55 ص
مروة محمد
طباعة
حلّ وزير التربية والتعليم العالي اللبناني، مروان حمادة ضيف الحلقة الرابعة من برنامج "دق الجرس" عبر الـMTV، والذي شارك المشاهدين ذكريات الطفولة، المراهقة والشباب بما حملته من أحزان وآلام، بالإضافة إلى مرحلة النضال السياسي ومحاولة الاغتيال التي تعرّض لها، وأخيراً وليس آخراَ تحدّيات وزارة التربية التي وصفها بالوزارة المتعبة والمليئة بالمشاكل.
ومن أبرز ما جاء في الحلقة على لسان الوزير حمادة التالي:
· الجيل الجديد يحبّ الوزير السابق إلياس أبو صعب.
· "بيقولوا عنّي دون جوان لأنّو كنت حب الستّات، وهيدا الشي مش عيب".
· كنت الأول في مادة التعليم المسيحي رغم أنني درزي ومن محيط إسلامي وعربي.
· "ما كنت استعمل البنات، كانوا هنّي يستعملوني".
· خطأ كبير ارتكبته الدولة اللبنانية سنة الـ1998 عندما طُرِح قانون الزواج المدني الاختياري، ورُفِض آنذاك من رئاسة مجلس الوزراء.
· طلبتُ من الرئيس أمين الجميّل أن يسمح لي بالانتقال من الشرقية للغربية لرؤية أختي ناديا التويني، وكانت المرة الأخيرة التي أراها فيها.
· صوّتُّ ضد التمديد للرئيس لحود في المجلس، وبعد شهر تماماً سلطة الوصاية السورية حاولت قتلي.
· شاب سوري من آل أرناؤوط، سوري الجنسية أنقذني ونقلني إلى المستشفى بعد وقوع الإنفجار.
· "ما عندي مشكلة مع الشعب السوري أو مع السوريين، مشكلتي مع عقلية معينة بتحطّ العنف بطليعة العمل السياسي".
· أجريتُ 14 عملية جراحية بعد محاولة اغتيالي، و"عنّا بيأمنوا بالتقمّص، والمشايخ يمازحونني قائلين: إنت خلقت من جديد"!
· " حدا بيحطّ 2 طن ديناميت ليقتل رفيق الحريري، شو هالحقد"؟
· "مش دايماً بتفق مع الرئيس سعد الحريري، لكن أعتبره إبن أخي".
· "ما كنت حابب إترشح ع الانتخابات"، لكن اختير بقائي لضمان الجسر نحو ترسيخ مصالحة الجبل.
· "فيه مدارس رسمية بمستوى المدارس الخاصة وأحسن من المدارس الخاصة"!
· "عنا اليوم فوق الـ300 ألف تلميذ سوري بالمدارس، والباقيين عم نجرّب نعلّمُّن بالمخيّمات أو بالقرى اللي عايشين فيا".
· "لازم كتاب التاريخ الموحّد يوصف الأمور متل ما صارت" .
· كمال جنبلاط شهيد لأنه عندما قال لحافظ الأسد "ما بدي حط لبنان بالسجن العربي الكبير"، فقرّر الأسد أن يقتله.
· رغم أنني كنت ضد بشير الجميل وفي مرحلة ما حاول حزبه أن يقتلني"بس ما بحطّ العمالة قبل الشهادة".
· "رح ضلني مقاطِع جلسات مجلس الوزارء ليحطّوا التربية ع جدول الأعمال".
. "مش عم فكِّر إلغي البروفيه".
· "ما بشتري ماي من المطار، لأنه برأيي فيه استغلال بالمنطقة الحرة".
· "ما بحكي بالقاف، لأني صرت مدني أكتر من جبلي، بس أحياناً بقاقي لما بطلع ع الجبل"!
· لو لم أكن مروان حمادة، فكنت أحبّ أن أكون جمال عبد الناصر.
· "كلبتي ويندي ع أدّي، وكلب وليد جنبلاط أوسكار كلنا بدنا رضاه"!
· "خلقت لما وصل الأسانسور ع لبنان، ومن وقتا عم جرّب إطلع بها لاسانسور"!
" دق الجرس" يعرض كل أحد بتمام الساعة 9:35 مساءً عبر الـMTV، وهو من إنتاج جنان ملاط وشركتها IProduction.
