أول تعليق لصاحب فيديو طفل البلكونة : أنا اللى وثقت وصورت.. ولكن هناك كارثة
السبت 26/يناير/2019 - 10:37 ص
طفل البلكونة
حامد العدوى
طباعة
فى أول تعليق له، قال الكاتب الصحفى محسن عبدالراضى، الذى قام بتوثيق فيديو طفل البلكونة الذى أثار غضب شديد من تعامل أم مع نجلها.
وقال "عبدالراضى" عبر حسابه الشخصى على موقع التواصل الإجتماعى، أنا صاحب فيديو طفل البلكونة ، يعنى أنا اللى صورت ووثقت الواقعة، مضيفًا: أنا ملحقتش أعمل حاجة ولا كنت هلحق أعمل حاجة، لأنه ببساطة، أنا فى الدور السادس من العمارة المجاورة، والواقعة فى الدور الثالث من العمارة المواجهة لى.
وتابع "عبدالراضى" فى توضيحه لواقعة طفل البلكونة يعنى لما أنزل هيكون الولد وقع والله يرحمه، فكان الحل إنى أصور وأوثق القصة، علشان نجيب حق الطفل، إللى ملوش ذنب غير إنه لأم متعرفش حاجة عن الأمومة والإنسانية.
وأشار "عبدالراضى" عبر حسابه على موقع فيسبوك: فيديو طفل البلكونة تم نشره على صفحة الأستاذ العظيم سامى عبدالراضى، وانتشر كالنار فى الهشيم، ووزارة التضامن والداخلية استجابوا، وتحركوا فورًا، متابعًا: الست هتتاحسب والأسرة مش هيلحق بيها أى ضرر، والطفل هيتربى تربية كويسة.
متابعًا عن طفل البلكونة: أنا صورت وعرفنا نجيب حقه خلال ساعات، ولكن فيه زى الطفل دا كتير يا ريت نقدر نوصلهم.
واختتم "عبدالراضى" قوله: على أي حال الست حالي في قسم الجيزة بيتحقق معاها، والطفل في ايد امينة بوزارة التضامن .
الكلمات المفتاحية
أخبار تهمك
