كشف الفنان هشام سليم عن أسباب فشل مسلسل ليالي الحلمية 6 في برنامج حفلة 11 الذي تقدمه الإعلامية سمر يسري على فضائية ON E.

تصريحات هشام سليم في حفلة 11
قال هشام سليم خلال تواجده في برنامج حفلة 11 عن ليالي الحلمية 6 : "أنا كنت بفكر في ده وقولتلهم غالبًا مش هينجح لما قاريته لأنه المسلسل مبني على القيم والمبادىء والجدعنة اللي كانت عندنا زمان والأحياء الشعبية دلوقتي دة مش موجود وإحنا بنقول واقع فالناس هتكرهه مش هتحبه وغالبًا علشان كدة منجحش في رأيي".

اقرأ أيضا: هشام سليم: الأجيال الحالية ليس لديهم ما يخافون منه

هشام سليم يكشف سبب فشل مسلسل ليالي الحلمية 6 في حفلة 11 
وأضاف هشام سليم : "العمل إتقدم في وقت الناس فيه مش عايزة تشوف الواقع بتاعها، مخسرتش بالعكس افتكرت وأنا بشتغل الأستاذ إسماعيل عبد الحافظ، والأستاذ أسامة أنور عكاشة، وكل الممثلين اللي شاركوا معانا وكانو شايلين هذا العمل على كتافهم وكنا نحب إن هذا العمل يستمر".

اقرأ أيضا: صور.. اليوم هشام سليم ضيف برنامج "السفيرة عزيزة"

وأشار "سليم" : "صعب نحدد مين أعماله أكتر أنا وشريف منير وممدوح عبد العليم ، إحنا جيلنا رقص بين جيلين نهاية جيل وبداية جيل تاني وعلشان كدة إتقال عننا جيل الوسط علشان كدة توهنا التانيين احنا بالنسبالهم ولاد صغيرين ولازم نبقى كدة واللي طلعوا جديد مبيقدروش اللي قبليهم وكل واحد عايز يوصل بأسرع وقت وأسرع فرصة بأي طريقة فا ده اللي حصل.

اقرأ أيضا: فيديو|هشام سليم في الحفلة 11: «شربت المخدرات بسبب الفضول»