تصدرت الفنانة منال عبد اللطيف مؤشرات البحث "جوجل" خلال الساعات القليلة الماضية عقب أستضافتها في برنامج "كلام الناس" مع الإعلامية ياسمين عز على قناة "ام بس يس مصر".

وكشفت منال عن سبب ارتدائها الحجاب قائلة :" قرار الحجاب مكنش مفاجئ وقعدت سنتين محتارة ومترددة في أخذ القرار، لحد لما جاتلي رؤية في المنام فيما معناها تزودوا فإن خير الزاد التقوى، وقلت توكلت على الله".

واضافت :" أخبرت زوجي بقرار الحجاب، في الأول مكنش مصدقني لأني شخصية مزاجية شوية ولكني أكدله إني اتحجبت وقولتلوا  يشتريلي ملابس جديدة مناسبة للحجاب ودا اللي حصل".

وأوضحت :"أنا أتحجبت سنة 2012 وكنت متعاقدة مع 5 أعمال فنية من ضمنهم مسلسل كيد النسا، أنا كنت بروح الأستوديو لتصوير مسلسل كيد النسا وكانت حماتي مدياني إسدال، وكنت أدخل أصور المشهد وأخلصه وأطلع ألبس الإسدال، وكنت مضطرة أصور المشاهد من غير حجاب، ومكنتش عارفة أعمل ايه، لحد ما جه آخر يوم تصوير، لبسته ومقلعتوش تاني".

وأشارت منال أنها تعرضت لقصة ماساوية من قبل واحدة كانت تطاردها على ماسنجر وتسالها عن سبب الحجاب وقالت لها أنتي قرعة.

وقالت "منال" :" الست دي قالتلي أنا عرفت أنك كنتي بتصبغي شعرك ووقع وبقيتي قرعة علشان كدا اتحجبتي، وأنا عمري م عملت صبغة في شعري أصلًا، وبعدها طلبت تكلمني فيديو كول عشان تتأكد وفضلت تكلمني كتير وتبعتلي رسايل وتقولي يا قرعة".

منال وبداية علاقتها بزوجها

كشفت منال عبد اللطيف عن بداية علاقتها بزوجها معلقة :"قابلت حازم وحصلت كيميا بينا، لكن كنت رافضة موضوع الجواز وفرح بنتي اتعرفت على حازم وأتعرفت على بنته وحبوا بعض، وفرح جت قالتلي يا ماما أنا بحب بابا حازم ونفسي أعيش معاهم في البيت ووافقي عشان خاطري ووافقت".

وتابعت :"حازم شايلها الموضوع ده لغاية دلوقتي ومفيش فرق بين ال3 بنات في البيت وأنا بشكره وبشكرني لأن في بينا أحترام ومودة وحب"، مضيفة :"مريم بنت زوجي من زوجته المتوفية لما مامتها توفيت مخلتهاش تحس إنها غريبة وسطينا وعاملتها زي بناتي بالظبط، وأنا اللي ربيتها بعد وفاة والدتها".