حل الفنان أحمد زاهر ضيفًا في برنامج "الحقيقة أولًا" مع الإعلامية فاتن زين الدين على قناة "الحرة" ليتحدث عن حياته الفنية والمهنية والمخاطر التي تعرض لها بسبب الفن.

رأي أحمد زاهر في مهنة الفن 

قال أحمد زاهر خلال لقائه :" أخطر شغلانة ممكن تدمر أي بني آدم وفاكرين الموضوع سهل إيه يعني يحفظوا كلمتين ويقولهم قدام الكاميرا، أحنا بندمر نفسيتنا، لأن المشاعر ممكن تخلي الواحد يموت؛ ممكن نموت من الزعل وأحنا بنعيش نفسنا في الزعل وبنصور 13 أو 14 ساعة في اليوم".

وأضاف :" أنا فاكر صورت 36 ساعة في مسلسل كلام على ورق، هاتلي دكتور أو مهندس أو محامي أو أي مهنة يقدروا يشتغلوا كل الساعات دي واقف على رجله، أنا أسف محدش يقدر، الفن أصعب مهنة في التاريخ".

وتابع :"في مشهد ممكن تبقى شرير ومشهد تبقى بتضحك الجهاز العصبي بيدمر، والناس فاكرة أننا بنهزر، أحنا بنلعب على مشاعرنا بنصور 26 ساعة أحيانًا الناس فاكرة أننا بنصور 6 ساعات وبنقعد بعد كده على البسين".

رأي أحمد زاهر في دخول بناته الفن 

وتحدث أحمد زاهر عن ابنتيه ليلى وملك وعن دخولهم في مجال التمثيل قائلًا :" طول عمري مكنتش عاوزهم يخشوا الوسط، ولولا إصرار تامر حسني أنهم يمثلوا معاه مكنتش وافقت، مش عشان المهنة وحشة، لكن عشان صعبة بالذات على الستات".

ومن جانبه أنتقد عميد معهد القلب السابق الدكتور جمال شعبان تصريحات أحمد زاهر عن الفن على صفحته الرسمية على "فيس بوك" معلقًا :" الأطباء والمهندسون منبهرون بكلامك وبيقولو لك ربنا يقويك يا نجم على صعوبات المهنة، بتروحوا اللوكيشن شايلين أرواحكم على كفوف أيديكم فداء للفن".