ياسمين عز: «زواجك من الرجل المنوفي إنجاز في حد ذاته»

السبت 28/يناير/2023 - 08:41 م

ياسمين عز تتحدث عن الزواج من الرجل المنوفي

منة الله نجاح

كشفت الإعلامية ياسمين عز، عن مميزات الرجل المنوفي، موصحةً أن أي امرأة تتزوج من رجل منوفي يعتبر إنجاز في حد ذاته.

وقالت ياسمين عز في برنامجها "كلام الناس"، المذاع على شاشة قناة "ام بي سي مصر": "يا هناكي ويا سعدك يا وعدك لو متجوزة راجل من المنوفية، راجل عاقل، ومش أي واحدة تملأ دماغه، لو اتجوزتي راجل من المنوفية ده إنجاز في حد ذاته".

ياسمين عز تتحدث عن الزواج من أهل المنوفية

وأضافت: "عاوزين تعرفوا ليه إنجاز، لأن قراره جه بعد أيام طويلة من التفكير والتلخيص والدراسات والمباحثات لحد ما توصل في النهاية إنك الست اللي تستحق يكمل حياته معاها".

واستكملت: "معروف للجميع إن المنوفية بلد الكرم كله، هتلاقي جوزك الرجل المنوفي كريم معاكي ومعطاء، وكل اللي في جيبه ليكي انتي وولادك، مش بعيد يطلع اللقمة من بقه ويديهالك، واعرفيها قاعدة المنوفي لا يلوفي مع البخل، يعني لا يولف مع صفة البخل إطلاقًا".

وتابعت: "صعب تطلبي من جوزك المنوفي حاجة ويقولك لا، حتى لو مكنش معاه أو مزنوق، هتلاقيه بيعمل المستحيل عشان ينفذلك الطلب اللي طلبتيه منه".

واختتمت: "الرجل المنوفي هو اللي بينور الست، قلبه كبير وعقله يوزن بلد، بيفهمك من غير ما تتكلمي، وهتلاقيه بيعديلك حاجات كتير ومش بيقفش عليكي غير في الشديد القوى".